ព័ត៌មានថ្មីៗ

ព្រះគ្រូឥន្ទបាលី កែវ អាន ចូលរួមកសាងសាឡុំនៅភូមិធម្មជាតិរុនតាឯកជាមួយអាជ្ញាធរជាតិអប្សរា

បានផ្សាយនៅ ថ្ងៃទី 03 ខែ កុម្ភៈ ឆ្នាំ2016 02:38 PM ដោយ ៖ អាជ្ញាធរជាតិអប្សរា

ដើម្បីថែរក្សាទំនៀមទម្លាប់ប្រពៃណីរបស់អ្នកស្រុកអង្គរ ដែលបានស្ម័គ្រចិត្តទៅរស់នៅភូមិធម្មជាតិរុនតាឯក អាជ្ញាធរជាតិអប្សរាបានគិតគូរកសាងទីកន្លែងសម្រាប់គោរពបូជា និងធ្វើកិច្ចពិធីផ្សេងៗ។ ក្នុងន័យនេះហើយ ដោយទទួលបានការឯកភាពគាំទ្រពីឯកឧត្តមបណ្ឌិតសភាចារ្យ សុខ អាន ឧបនាយករដ្ឋមន្ត្រី រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី និងជាប្រធានអាជ្ញាធរជាតិអប្សរា សាឡុំមានទំហំប្រមាណ៨ម៉ែត្រx១៤ម៉ែត្រ ធ្វើពីថ្ម ប្រក់ដំបូលក្បឿងតាមរចនាប័ទ្មខ្មែរ ត្រូវបានកសាងឡើង ដើម្បីឱ្យអ្នកភូមិមានទីកន្លែងសមរម្យសម្រាប់រៀបចំពិធីសាសនាតាមទម្លាប់និងការជួបជុំផ្សេងៗ។

ការសាងសង់សាឡុំនេះក៏មានការឧត្ថម្ភយ៉ាងពេញទំហឹងពីសំណាក់ព្រះគ្រូឥន្ទបាលី កែវ អាន ព្រះវិន័យធរអនុគណក្រុងសៀមរាប និងជាចៅអធិការវត្តអង្គរខាងត្បូង។

មានសង្ឃដីកាកាលពីថ្ងៃទី១ ខែកុម្ភៈ ឆ្នាំ២០១៦កន្លងទៅនេះ ព្រះគ្រូឥន្ទបាលី កែវ អាន បញ្ជាក់ថា គម្រោងសាងសង់សាឡុំនៅរុនតាឯក ត្រូវបានគិតគូរតាំងពីឆ្នាំ២០១៤ ទើបតែពេលនេះបានលេចចេញជារូបរាងឡើង។

ព្រះអង្គមានថេរដីកាបន្តទៀតថា សាឡុំនេះនឹងត្រូវតម្កល់នូវបដិមាជាច្រើនអង្គដូចជា រូបព្រះពុទ្ធទ្រង់ព្រះភ្នែនកម្ពស់២ម៉ែត្រជាង រូបភិក្ខុបញ្ចវគ្គិយទាំង៥អង្គ រូបតាឥសី១អង្គកម្ពស់១.៦០ម៉ែត្រ រូបព្រះបាទជ័យវរ្ម័នទី៧ទ្រង់ព្រះភ្នែនកម្ពស់១.២០ម៉ែត្រ និងរូបមាតានាងគង្ហីង២អង្គផងដែរ ។ ចម្លាក់ព្រះបដិមាទាំងនោះ នឹងត្រូវកសាងរួចរាល់ក្នុងពេលឆាប់ៗនេះ។

ព្រះអង្គមានថេរដីកាបន្តទៀតថា សាឡុំនេះគ្រោងនឹងចំណាយអស់ថវិកាពី៧ទៅ៨ម៉ឺនដុល្លារ មកដល់ពេលនេះ ព្រះអង្គមានថវិកាមួយចំនួនហើយ តែមិនទាន់គ្រប់គ្រាន់នៅឡើយទេ។ ព្រះអង្គក៏បានអំពាវនាវឱ្យពុទ្ធបរិស័ទជិតឆ្ងាយទាំងអស់ ក្នុងស្រុក និងក្រៅស្រុកចូលរួមថវិកា ដើម្បីចាប់មគ្គចាប់ផលក្នុងការកសាងសាឡុំនេះឡើង ដើម្បីជាការតាំងមាំនៃពុទ្ធសាសនា និងជាប្រយោជន៍ដល់ប្រជាពលរដ្ឋដែលជាពុទ្ធសាសនិកស្ថិតនៅក្នុងភូមិធម្មជាតិរុនតាឯកនេះផងដែរ៕







ថ្នាក់ដឹកនាំអាជ្ញាធរជាតិអប្សរា ដឹកនាំដោយឯកឧត្តមបណ្ឌិត ស៊ុំ ម៉ាប់ នៅព្រឹកថ្ងៃទី៨ ខែមីនា ឆ្នាំ២០១៦កន្លងទៅនេះ បានចុះពិនិត្យការងារ និងស្តាប់បទបង្ហាញលទ្ធផលកសិកម្មគំរូ ដែលបង្ហាញដោយអ្នកជំនាញកសិកម្មនៃគម្រោងអភិវឌ្ឍន៍ភូមិធម្មជាតិរុនតាឯក។ ការបង្ហាញលទ្ធផលសាកល្បងនេះ គឺដើម្បីឲ្យប្រជាពលរដ្ឋងាយស្រួលធ្វើការសម្រេចជ្រើសរើសប្រភេទដំណាំ និងបច្ចេកទេសទៅអនុវត្តនៅក្នុងដីរបស់ខ្លួន។ ដំណាំកសិកម្មគំរូដែលអ្នកជំនាញកំពុងអនុវត្តសាកល្បង លើដីគំរូមានដូចជា ត្រកួន ពោត ស្ពៃ ឪឡឹក ត្រប់វែង ឃ្លោក ត្រឡាច។ល។
បន្ទាប់ពីមានការស្ម័គ្រចិត្តទៅរស់នៅភូមិធម្មជាតិរុនតាឯកដើម្បីកសាងជីវភាពគ្រួសារថ្មី ប្រជាជនទាំងអស់ត្រូវទទួលបានការយកចិត្តទុកដាក់យ៉ាងខ្លាំងពីសំណាក់អាជ្ញាធរជាតិអប្សរាទាំងផ្នែកសុខុមាលភាព សាសនា សន្តិសុខ មុខរបរ ជំនាញវិជ្ជាជីវៈ មានប្រាក់ចំណូលដើម្បីលើកស្ទួយជីវភាពរស់នៅរបស់ប្រជាជនបានល្អប្រសើរ ជាពិសេសនឹងរៀបចំទីនេះឱ្យក្លាយជាកន្លែងផ្គត់ផ្គង់កសិកម្មធម្មជាតិ និងរមណីយដ្ឋានទេសចរណ៍ធម្មជាតិ។
ពិធីសែនក្រុងពាលីសាងសង់សាឡុំ នៅភូមិធម្មជាតិរុនតាឯកដែលមានទីតាំងនៅខាងលិចមាត់បឹងជាលា ដើម្បីទុកជាទីសក្ការបូជារបស់ពុទ្ធសាសនិកដែលរស់នៅក្នុងភូមិនេះ បានប្រារព្ធឡើងនៅព្រឹកថ្ងៃទី២៣ ខែមករា ឆ្នាំ២០១៦ ត្រូវនឹងថ្ងៃ១៥កើត ខែបុស្ស ឆ្នាំមមែ ក្រោមការដឹកនាំរបស់ព្រះគ្រូឥន្ទបាលី កែវ អាន ព្រះវិន័យធរ អនុគណក្រុងនិងជាព្រះគ្រូចៅអធិការវត្តអង្គរខាងត្បូង។
គ្រាប់ពូជដំណាំកសិកម្មចំនួន៨មុខ និងសៀវភៅស្តីពីបច្ចេកទេសកសិកម្មចំនួន៦មុខ ដែលនិយាយអំពីរបៀបចិញ្ចឹមគោ ចិញ្ចឹមជ្រូក ចិញ្ចឹមមាន់ ចិញ្ចឹមទា ចិញ្ចឹមក្រួច ត្រូវបាននាយកដ្ឋានអភិវឌ្ឍន៍កសិកម្ម និងសហគមន៍នៃអាជ្ញាធរជាតិអប្សរា ចែកជូនប្រជាពលរដ្ឋគំរូចំនួន៣៨គ្រួសារ ដែលកំពុងរស់នៅក្នុងភូមិធម្មជាតិរុនតាឯក នៅព្រឹកថ្ងៃទី១៨ ខែមករា ឆ្នាំ២០១៦។
ប្រជាពលរដ្ឋចំនួន៦គ្រួសារ ដែលបានស្ម័គ្រចិត្តចាប់ឆ្នោតទៅរស់នៅភូមិធម្មជាតិរុនតាឯក នាព្រឹកថ្ងៃទី១២ ខែមករា ឆ្នាំ២០១៦នេះ បានមកទទួលថវិកាចំនួន២១លានរៀលក្នុងមួយគ្រួសារ ពីអាជ្ញាធរជាតិអប្សរា ដើម្បីសាងសង់ផ្ទះ នៅភូមិធម្មជាតិរុនតាឯក។
ដើមដំបូងមុន1234បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

មតិស្វាគមន៍ឯកឧត្តមអគ្គនាយកអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
6
ថ្ងៃនេះ
:
5803
ម្សិលមិញ
:
11641
សប្តាហ៍នេះ
:
88332
ខែនេះ
:
0346793
សរុប
:
004036209