ព័ត៌មានថ្មីៗ

ក្រុមអ្នកបច្ចេកទេសអាជ្ញាធរជាតិអប្សរាកំពុងសម្អាតស្មៅនិងកាត់ក្រីកូនឈើនៅលើប្រាសាទក្រហម

បានផ្សាយនៅ ថ្ងៃទី 01 ខែ កុម្ភៈ ឆ្នាំ2016 08:18 AM ដោយ ៖ អាជ្ញាធរជាតិអប្សរា
ប្រាសាទក្រហមជាប្រាសាទឥដ្ឋដែលមានតម្កល់រូបព្រះឥសូររាំដ៏អស្ចារ្យកម្ពស់៤.៥០ម៉ែត្រ (បច្ចុប្បន្នសល់តែបំណែកខ្លះនៅក្នុងប្រាសាទ ឯខ្លះទៀតរក្សាទុកនៅសារមន្ទីរអង្គរ) តាមរចនាប័ទ្មកោះកេរ ឧទ្ទិសចំពោះព្រហ្មញ្ញសាសនា។ អ្នកស្រុក អ្នកធ្វើដំណើរ អ្នកស្រាវជ្រាវមានជំនឿយ៉ាងខ្លាំងលើប្រាសាទក្រហម ព្រោះទីនោះមានអ្នកតាក្រហមដ៏ពូកែស័ក្តិសិទ្ធិ។

ដោយឡែកទាក់ទងនឹងការថែរក្សា អភិរក្សវិញ ប្រាសាទនេះត្រូវបានភ្នាក់ងារអភិរក្សប្រាសាទនៃនាយកដ្ឋានអភិរក្សប្រាសាទក្រៅឧទ្យានអង្គររបស់អាជ្ញាធរជាតិអប្សរា រៀបចំតម្លើងរន្ទាដែកដើម្បីដកសម្អាតស្មៅនិងកូនរុក្ខជាតិដែលដុះនៅតាមតួប្រាសាទនិងលើកំពូលប្រាសាទចេញកាលពីថ្ងៃទី២៨ខែមករាឆ្នាំ២០១៦។ លោក សំ សារេត ប្រធានការិយាល័យនៃ នាយកដ្ឋានអភិរក្សប្រាសាទក្រៅឧទ្យានអង្គរបានឲ្យដឹងថា ជារៀងរាល់ឆ្នាំឲ្យតែដល់រដូវប្រាំងក្រុមការងារតែងតែឡើងសម្អាតស្មៅនិងដកកូនរុក្ខជាតិតូចធំដុះលើតួនិងកំពូលប្រាសាទក្រហមនិងប្រាសាទផ្សេងៗជាប្រចាំ។ នេះជាលើកទី១ដែលក្រុមការងារសាកល្បងតម្លើងរន្ទាដែកសម្រាប់ឡើងដកសម្អាតស្មៅនិងកាត់ក្រីរុក្ខជាតិនៅតំបន់កោះកេរដោយខ្លួនឯង ព្រោះកន្លងមកយើងដាក់ត្រឹមជណ្តើរឈើឡើងឬរន្ទាទាបៗប៉ុណ្ណោះតាមស្ថានភាពជាក់ស្តែងនិងលទ្ធភាពដែលយើងអាចធ្វើបានក្នុងការសម្អាតប្រាសាទ។

លោក សារេត បន្ថែមទៀតថា សព្វថ្ងៃនេះ យើងមានរន្ទារដែក១៥០ដើមនិងមានបុគ្គលិក១០នាក់ ជាបុគ្គលិកធម្មតា៧នាក់និងអ្នកបច្ចេកទេស៣នាក់សម្រាប់ដំណើរការការងារនេះ។ ការសម្អាតប្រាសាទ ដកស្មៅ និងកាត់ក្រីកូនឈើតូចធំលើតួនិងកំពូលប្រាសាទគឺដើម្បីថែរក្សាការពារប្រាសាទកុំឲ្យបាក់បែកប្រេះស្រាំដោយសាររុក្ខជាតិទាំងនោះ ថែមទាំងធ្វើឲ្យប្រាសាទមានសោភណភាពស្អាត និងទាក់ទាញភ្ញៀវទេសចរផងដែរ។

លោក ហុង ហាក់
ជាបុគ្គលិកជំនាញដែលបានផ្តួចផ្តើមរៀបរន្ទានេះ បានប្រាប់ថា លោកធ្លាប់ឃើញគេតំឡើងរន្ទាដែកសម្រាប់សម្អាតប្រាសាទនិងកាត់ដើមឈើ ព្រមទាំងមានបទពិសោធន៍ធ្លាប់សម្អាតតាមប្រាសាទកន្លងមកនៅក្នុងតំបន់អង្គរផង ទើបយកចំណេះដឹងទាំងនោះមកអនុវត្តនៅប្រាសាទក្រហមម្តង ដើម្បីងាយស្រួលឡើងសម្អាត។ ប៉ុន្តែនៅទីនេះមានការលំបាកច្រើន ហើយប្រឈមនឹងគ្រោះថ្នាក់ខ្លាំងជាងការសម្អាតប្រាសាទនៅតំបន់អង្គរ ព្រោះប្រាសាទនៅតំបន់នេះធ្វើពីឥដ្ឋ ពិសេសប្រាសាទក្រហម វាងាយពុកផុយ និងជ្រុះជាប្រចាំ មិនធន់នឹងកម្លាំងសង្កត់ធ្ងន់បានឡើយ ។

លោកបន្តទៀតថា ចំពោះការតម្លើងរន្ទាដែកដើម្បីសម្អាតប្រាសាទនីមួយៗ គឺមិនឲ្យប៉ះតួប្រាសាទឡើយ ហើយប្រើរយៈពេលបីថ្ងៃទើបតំឡើងរួច ឯការកាត់សម្អាតវិញយើងចំណាយពេលត្រឹមតែពីរថ្ងៃប៉ុណ្ណោះនឹងរួចរាល់ហើយ។ យើងអាចធ្វើការងារនេះបានតែនៅរដូវប្រាំងទេព្រោះរដូវនេះប្រាសាទស្ងួតល្អ មិនរអិល មិនពុកផុយ ងាយស្រួលក្នុងការឡើង។ អាជ្ញាធរជាតិអប្សរាបានធ្វើកិច្ចការងារនេះជាប្រចាំតាំងតែពីឆ្នាំ២០០៥មកដើម្បីថែរក្សាការពារនូវប្រាង្គប្រាសាទបុរាណទាំងអស់ក្នុងតំបន់កោះកេរ ដែលជាកេរ្តិ៍តំណែលរបស់បុព្វបុរសយើងនិងជាមត៌កសម្បត្តិវប្បធម៌បេតិកភណ្ឌមនុស្សជាតិមិនអាចកាត់ថ្លៃបានក្នុងលោក ឲ្យគង់វង្ស មិនឲ្យខូចបាក់បែក និងបាត់បង់សម្រស់សោភណភាពរបស់ប្រាសាទទាំងមូល៕

 

 

ភ្នំគូលែន គឺរមណីយដ្ឋានវប្បធម៌ ប្រវត្តិសាស្រ្ត និងធម្មជាតិ ដែលកំពុងទទួលបាននូវការចាប់អារម្មណ៍ពីសំណាក់ទេសចរជាតិនិងអន្តរជាតិ។ ទន្ទឹមនឹងនេះ ដើម្បីបញ្ជៀសនូវផល ប៉ះពាល់ជាអតិបរមា អាជ្ញាធរជាតិអប្សរាបានខិតខំយកចិត្ត ទុកដាក់យ៉ាងខ្លាំង ចំពោះការអភិរក្សប្រាសាទនិងបុរាណនានាដែលមាននៅលើរមណីយដ្ឋានភ្នំគូលែននេះ ធ្វើយ៉ាងណាឲ្យការអភិរក្សនិងអភិវឌ្ឍន៍ប្រកបដោយចីរភាព។
ក្រុមអ្នកជំនាញនៃអាជ្ញាធរជាតិអប្សរា កំពុងរៀបចំសម្រង់ប្លង់ប្រាសាទតានៃតាមរយៈរូបថត3D ដើម្បីបម្រើដល់ការងារអភិរក្ស ជួសជុល និងលើកតម្លៃប្រាសាទតានៃទាំងមូលក្នុងពេលអនាគត។ នេះជាផ្នែកមួយនៃគម្រោងសហប្រតិបត្តិការរវាងអាជ្ញាធរជាតិអប្សរា និងវិទ្យាស្ថានស្រាវជ្រាវជាតិសម្រាប់ការងារអភិរក្សវប្បធម៌នៃសាកលវិទ្យាល័យតូក្យូ (NRICPT)។
បន្តោងសេរ៉ូមឲ្យថ្ម
( ថ្ងៃទី 16 ខែ តុលា ឆ្នាំ2015 )
ថ្មដែលមានអាយុកាលយូរ ដូចជាថ្មប្រាសាទជាដើម មានភាពពុកផុយ ត្រូវការការព្យាបាលដើម្បីពង្រឹងសាច់ថ្មឡើងវិញ ប្រៀបដូចជាមនុស្សឈឺ អស់កម្លាំង ឬមនុស្សចាស់មានកម្លាំងខ្សោយត្រូវការថ្នាំជំនួយកម្លាំងដូច្នោះដែរ។ នេះជាការលើកឡើងរបស់លោក ឡុង ណារី ប្រធានក្រុមអភិរក្សថ្មរបស់អាជ្ញាធរជាតិអប្សរា ក្នុងឱកាសដែលលោក និងក្រុមការងារកំពុងតែបាញ់ថ្នាំតាមបំពង់សេរ៉ូមចូលទៅក្នុងសាច់ថ្មបង្កាន់ដៃនាគ ដែលលោកកំពុងជួសជុលនៅប្រាសាទបន្ទាយសំរែ។
ពុទ្ធបាទទម្ងន់ប្រហែលជាង២តោន មានទីតាំងដើមនៅរួតព្រះពាន់ប្រាសាទអង្គរវត្ត ដែលរងការបាក់បែកជា៦៤បំណែក តម្កល់ទុកនៅអភិរក្សដ្ឋានអង្គរតាំងពីឆ្នាំ១៩៨៥ ត្រូវបានក្រុមជំនាញជួសជុលចម្លាក់សិល្បៈ របស់អាជ្ញាធរជាតិអប្សរា ដែលបណ្តុះបណ្តាលដោយសាកលវិទ្យាល័យ Palermo ប្រទេសអ៊ីតាលី ធ្វើការជួសជុលផ្គុំឡើងវិញ តាមទម្រង់ដើម ដើម្បីតម្កល់ទុកជាមរកបេតិកភណ្ឌរបស់ជាតិ។
ក្រុមជំនាញអភិរក្សបេតិកភណ្ឌនៃអាជ្ញាធរជាតិអប្សរា និងអាជ្ញាធរជាតិព្រះវិហារ ដែលបានបណ្តុះបណ្តាលដោយសាកលវិទ្យាល័យ Palermo ប្រទេសអ៊ីតាលី កំពុងបំពេញការងារជួសជុល និងការងារអភិរក្សចម្រឹងបង្អួចនៃប្រាសាទអង្គរវត្ត។ ក្រុមនេះបានជួសជុលចម្រឹងបង្អួចចំនួន២ស៊ុម ជិតរួចរាល់ហើយ ក្រោយចំណាយពេលជាង៦ខែមក។

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
3
ថ្ងៃនេះ
:
4736
ម្សិលមិញ
:
15745
សប្តាហ៍នេះ
:
67234
ខែនេះ
:
0078415
សរុប
:
009547172