ព័ត៌មានថ្មីៗ

អាជ្ញាធរជាតិអប្សរាកំពុងពង្រឹងសមត្ថភាពមន្ត្រីជំនាញ ដើម្បីប្រើប្រាស់បច្ចេកវិទ្យាអវកាស(Remote Sensing)ក្នុងការងារអភិរក្សរមណីយដ្ឋានអង្គរ

បានផ្សាយនៅ ថ្ងៃទី 28 ខែ មករា ឆ្នាំ2016 12:58 PM ដោយ ៖ អាជ្ញាធរជាតិអប្សរា
ចាប់ពីឆ្នាំ២០១៣មក មានមន្ត្រី និងបុគ្គលិកបច្ចេកទេសជាង១០នាក់ហើយ ដែលត្រូវបានបណ្តុះបណ្តាលសមត្ថភាព ដើម្បីអាចប្រើប្រាស់បច្ចេកវិទ្យាអវកាស (Remote Sensing) ក្នុងការងារអភិរក្សរមណីយដ្ឋានអង្គរ។

ការពង្រឹងសមត្ថភាពនេះ ធ្វើឡើងតាមរយៈគម្រោងសហប្រតិបត្តិការស្តីពីការប្រើប្រាស់បច្ចេកវិទ្យាអវកាសសម្រាប់ការងារអភិរក្សនិងគ្រប់គ្រងរមណីយដ្ឋានបេតិកភណ្ឌពិភពលោកអង្គរនិងការអភិវឌ្ឍប្រកបដោយចីរភាពនៅតំបន់សៀមរាប(Remote Sensing for Environmental of Angkor Site Project)ក្រោមជំនួយរបស់មជ្ឈមណ្ឌលHIST (International Center on Space Technologies for Natural and Cultural Heritage)និងវិទ្យាស្ថាន RADI(Institute of Remote Sensing and Digital Earth)ដើម្បីចេះប្រើប្រាស់ និងគ្រប់គ្រងប្រព័ន្ធកម្មវិធីទទួលបានទិន្នន័យពីផ្កាយរណប។

លោក ជូ រ៉ាឌីណា អនុប្រធាននាយកដ្ឋានគ្រប់គ្រងទឹកបានលើកឡើងថា ក្នុងរយៈកាលកន្លងមកយើងបានបញ្ជូនមន្រ្តីបុគ្គលិកឲ្យចូលរួមវគ្គបណ្តុះបណ្តាលនេះជាច្រើនដងមកហើយដូចជាឆ្នាំ២០១៣អាជ្ញាធរជាតិអប្សរាបានចាត់បញ្ជូនបុគ្គលិកបច្ចេកទេសចំនួន២រូបឲ្យចូលរួមសិក្ខាសាលាអន្តរជាតិលើកទី១ស្តីពីបច្ចេកវិទ្យាអវកាសបង្ការមហន្តរាយនៅទីក្រុងសាន់យ៉ានៃសាធារណរដ្ឋប្រជាមានិតចិន។ឆ្នាំ២០១៤ មន្ត្រីបុគ្គលិកបច្ចេកទេសបានទៅចូលរួមវគ្គបណ្តុះបណ្តាលចំនួន៣លើក នៅប្រទេសចិន ដែលសរុបទាំងអស់៩រូប។នៅឆ្នាំ២០១៥ សាស្រ្តាចារ្យចំនួន៣រូបមកពីវិទ្យាស្ថាន RADIនិងមជ្ឈមណ្ឌលHISTនៃបណ្ឌិតសភាវិទ្យាសាស្រ្តចិនបានរៀបចំវគ្គបណ្តុះបណ្តាលនេះ នៅមជ្ឈមណ្ឌលអាជ្ញាធរជាតិអប្សរាដោយមានការចូលរួមពីមន្រ្តី/បុគ្គលិកនាយកដ្ឋាននានាដែលទាក់ទងនឹងជំនាញនេះ។

លោកបន្ថែមទៀតថា នៅក្នុងឆ្នាំ២០១៦នេះវិទ្យាស្ថានRADIនិងHISTនឹងបន្តបញ្ជូនអ្នកជំនាញមកធ្វើការបណ្តុះបណ្តាលមន្រ្តី/បុគ្គលិកអាជ្ញាធរជាតិអប្សរាដើម្បីកសាងសមត្ថភាពឲ្យកាន់តែមានជំនាញច្បាស់លាស់ថែមទៀតលើការប្រើប្រាស់ តាមដាន និងការវិភាគទិន្នន័យដែលផ្កាយរណបបានផ្តល់មកកាន់ស្ថានីយ៍ និងជួយធ្វើបច្ចុប្បន្នភាព(Update)លើប្រព័ន្ធSoftwareដែលកំពុងប្រើប្រាស់សព្វថ្ងៃនេះ។

អាជ្ញាធរជាតិអប្សរាបានចុះអនុស្សរណៈកាលពីថ្ងៃទី១៤ ខែ មិថុនា ឆ្នាំ២០១៣រវាងអាជ្ញាធរជាតិអប្សរានិងមជ្ឈមណ្ឌលអន្តរជាតិបច្ចេកវិទ្យាអវកាសសម្រាប់បេតិកភណ្ឌវប្បធម៌និងធម្មជាតិក្រោមអាណាព្យាបាលនៃអង្គការយូណេស្កូស្តីពីគម្រោងសហប្រតិបត្តិការប្រើប្រាស់បច្ចេកវិទ្យាអវកាសសម្រាប់អភិរក្សនិងគ្រប់គ្រងរមណីយដ្ឋានបេតិកភណ្ឌពិភពលោកអង្គរនិងការអភិវឌ្ឍប្រកបដោយចីរភាពនៅតំបន់សៀមរាប។

គម្រោងនេះនឹងជួយដល់ការងារអភិរក្សរមណីយដ្ឋានអង្គរ ដូចជា ការគ្រប់គ្រងធនធានទឹក ការធ្វើផែនការអំពីការប្រើប្រាស់ដីធ្លី និងការតាមដានស្ថានភាពព្រៃឈើជាដើម។ លោក មាន់ ផានិត បុគ្គលិកបច្ចេកទេស ដែលធ្លាប់បានចូលរួមក្នុងវគ្គបណ្តុះបណ្តាលអំពីការប្រើប្រាស់បច្ចេកវិទ្យានេះរៀបរាប់ថា បច្ចេកវិទ្យានេះអាចផ្តល់រូបភាពច្បាស់ ពីលើអាកាស ស្តីពីបច្ចុប្បន្នភាពអង្គរជាប្រចាំ។ យើងដឹងជាមុនអំពីបញ្ហាទឹកជំនន់ ដែលអាចជួយឲ្យយើងអាចទប់ស្កាត់គ្រោះថ្នាក់ផ្សេងៗបាន។ ម្យ៉ាងទៀត យើងក៏អាចដឹងអំពីបម្រែបម្រួលព្រៃឈើ ដែលអាចឲ្យយើងរិះរកវិធីសាស្ត្រឆ្លើយតបទាន់ពេលភ្លាមៗផដែរ៕








ស្រែបណ្តេញទឹក ស្រែប្រាំង និងស្រែរនាមចំនួន២៦៤៧ហិកតា ដែលស្ថិតនៅក្នុងឃុំចំនួន៧ ក្នុងស្រុកពួកនិងក្រុងសៀមរាប ត្រូវបានអាជ្ញាជាតិអប្សរាបើកទឹកបារាយណ៍បញ្ចូលដើម្បីស្រោចស្រពក្នុងខែមករា ឆ្នាំ២០១៦នេះ។
សំណង់ទ្វារទឹកនៅភូមិល្បើក ឃុំដូនកែវ ស្រុកពួក ត្រូវបានសាងសង់ឡើងដោយអាជ្ញាធរជាតិអប្សរា ក្រោមជំនួយថវិការបស់ប្រទេសញូវហ្ស៊ីឡែន ដែលទើបដាក់សម្ពោធឲ្យប្រើប្រាស់នៅព្រឹកថ្ងៃទី២១ ខែមករា ឆ្នាំ២០១៦នេះ អាចនឹងជួយស្រោចស្រពដំណាំចម្ការ ឬស្រែប្រាំងដល់ទៅជាង១ពាន់ហិកតា។ សំណង់ទ្វារទឹកនេះ នឹងអាចកែប្រែជីវភាពប្រជាពលរដ្ឋរាប់ពាន់គ្រួសារក្នុងឃុំនេះ ឲ្យមានភាពល្អប្រសើរឡើងមួយកម្រិតទៀត តាមរយៈការធ្វើដំណាំបន្លែ ឬស្រែប្រាំង។
នៅព្រឹកថ្ងៃទី១៥ ខែមករា ឆ្នាំ២០១៦ អង្គភាពគ្រប់គ្រងប្រព័ន្ធបរិស្ថានអង្គរនៃអាជ្ញាធរជាតិអប្សរា ស្ថាប័នធានាគុណភាពជប៉ុន (JQA) និងមន្ទីរអប់រំខេត្តសៀមរាប បានយកអំណោយនិងបណ្ណសរសើរទៅប្រគល់ជូនសិស្សានុសិស្សដែលទទួលបានជ័យលាភីលើប្រធានបទអប់រំបរិស្ថាន នៅសាលាបឋមសិក្សា ហ៊ុន សែន ស្វាយចេក ស្ថិតក្នុងស្រុកអង្គរធំ ខេត្តសៀមរាប។
ស្ថាប័នធានាគុណភាពជប៉ុន ហៅកាត់ថា JQA កាលពីរសៀលថ្ងៃទី១៣ ខែមករា ឆ្នាំ២០១៦នេះ បានធ្វើបទបង្ហាញស្តីពីការធ្វើវិសោធនកម្មនៃមាត្រាមួយចំនួន នៃប្រព័ន្ធគ្រប់គ្រងបរិស្ថានស្តង់ដារអន្តរជាតិISO14001 ដល់មន្ត្រីបុគ្គលិកនៃអាជ្ញាធរជាតិអប្សរា ដើម្បីត្រៀមខ្លួនសម្របទៅតាមស្តង់ដារថ្មីនេះ។

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
5
ថ្ងៃនេះ
:
3083
ម្សិលមិញ
:
7526
សប្តាហ៍នេះ
:
10609
ខែនេះ
:
0105288
សរុប
:
012874720