ព័ត៌មានថ្មីៗ

ក្រុមសហគមន៍ទី៥ប្រចាំស្រុកបន្ទាយស្រី នាំយកលិខិតអនុញ្ញាតជួសជុល និងសាងសង់ផ្ទះជូនប្រជាពលរដ្ឋ

បានផ្សាយនៅ ថ្ងៃទី 20 ខែ មករា ឆ្នាំ2016 03:20 PM ដោយ ៖ អាជ្ញាធរជាតិអប្សរា

ក្រុមការងារសហគមន៍ទី៥ប្រចាំស្រុកបន្ទាយស្រី កាលពីរសៀលថ្ងៃទី១៨ ខែមករា ឆ្នាំ២០១៦ បាននាំយកលិខិតអនុញ្ញាតជួសជុលផ្ទះមួយច្បាប់ និងលិខិតអនុញ្ញាតសាងសង់ផ្ទះថ្មីជំនួសផ្ទះចាស់ចំនួន២ច្បាប់ទៅប្រគល់ជូនប្រជាពលរដ្ឋនៅភូមិប្រដាក និងភូមិថ្នល់បណ្តោយ។

ប្រជាពលរដ្ឋចំនួន៣គ្រួសារ គឺលោកយាយ រៀម ហឿ អាយុ៧១ឆ្នាំ បានដាក់ពាក្យស្នើសុំមកអាជ្ញាធរជាតិអប្សរា ដើម្បីជួសជូលដំបូលផ្ទះរបស់គាត់ ដែលធ្លុះធ្លាយជាច្រើនកន្លែង។ តាមលោក ថន ថឹង គ្រូបង្រៀនភាសាបរទេសនៃសាលា VPE ភូមិអូរទទឹងបញ្ជាក់ថា ដំបូលផ្ទះលោកយាយហឿនេះ ជាអំណោយរបស់ជនជាតិអាមេរិកាំងលោក Akbar Aziz ដែលបានឃើញស្ថានភាពផ្ទះទ្រុឌទ្រោមរបស់លោកយាយ ក្នុងអំឡុងដំណើរទស្សនកិច្ចរបស់លោកមកកាន់ភូមិប្រដាក។ ក្រោយទទួលបានអំណោយនេះហើយ ទើបក្រុមគ្រួសារលោកយាយបានដាក់ពាក្យស្នើសុំទៅអាជ្ញាធរជាតិអប្សរា ដើម្បីអនុញ្ញាតការជួសជុលឡើងវិញ។

ប្រជាពលរដ្ឋពីរគ្រួសារទៀតនៅភូមិថ្នល់បណ្តោយគឺ លោក ជា ឃិស និងលោកស្រី គង់ ផាច ក៏បានដាក់ពាក្យស្នើសុំមកអាជ្ញាធរជាតិអប្សរា ដើម្បីសាងសង់ផ្ទះថ្មីជំនួសផ្ទះចាស់ ដែលទ្រុឌទ្រោមខ្លាំង និងពង្រីកឲ្យធំជាងមុន។

ឯកឧត្តម ម៉ី ម៉ារ៉ាឌី ប្រធានសហគមន៍ប្រចាំស្រុកបន្ទាយស្រី បញ្ជាក់ថា ដោយអ្នកជំនាញបានពិនិត្យឃើញថា ម្ចាស់ផ្ទះទាំង៣ខាងលើ ដែលបានដាក់ស្នើសុំមក សុទ្ធតែជាប្រជាពលរដ្ឋចាស់ ដែលរស់នៅក្នុងរមណីយដ្ឋានអង្គរយូរយារណាស់មកហើយ ព្រមទាំងមានឯកសារគ្រប់គ្រាន់ ទើបថ្នាក់ដឹកនាំបានអនុញ្ញាតតាមសំណើ។ ដើម្បីសម្រួលដល់ការចុះឡើងរបស់ប្រជាពលរដ្ឋផង និងដើម្បីពិនិត្យបន្ថែមលើទីតាំងជាក់ស្តែងផង ទើបក្រុមការងារសម្រេចយកលិខិតអនុញ្ញាតមកប្រគល់ជូនដល់គេហដ្ឋានប្រជាពលរដ្ឋផ្ទាល់តែម្តង។ យើងលើកទឹកចិត្តពួកគាត់ដែលគោរពច្បាប់ និងគោលការណ៍អភិរក្សបេតិកភណ្ឌ។ ប្រជាពលរដ្ឋក្នុងតំបន់អង្គរគឺជាបេតិកភណ្ឌមានជីវិត ដែលអាជ្ញាធរជាតិអប្សរាតែងយកចិត្តទុកដាក់ទាំងជីវភាពរស់នៅ និងសុខុមាលភាពប្រចាំថ្ងៃ។

គួររំឭកថា ដើម្បីជួយសម្រួលដល់ការស្នើសុំរបស់ប្រជាពលរដ្ឋ និងដើម្បីដឹងសុខទុក្ខរបស់ប្រជាពលរដ្ឋជាប្រចាំនោះ អាជ្ញាធរជាតិអប្សរាបានបង្កើតក្រុមការងារសហគមន៍ ដែលមានគ្រប់នាយកដ្ឋានជំនាញរបស់អាជ្ញាធរជាតិអប្សរា ចុះតាមមូលដ្ឋានប្រជាពលរដ្ឋជាប្រចាំ។ ក្រុមការងារនេះតែងផ្សព្វផ្សាយអំពីច្បាប់ ការអប់រំបេតិកភណ្ឌ និងការងារសំខាន់ៗរបស់អាជ្ញាធរជាតិអប្សរា ជាពិសេស ក្រុមនេះតែងដោះស្រាយនូវរាល់សំណូមពររបស់ប្រជាពលរដ្ឋនៅនឹងកន្លែងភ្លាមៗ ចំពោះសំណើតូចៗដូចជា ធ្វើបង្គន់ តសំយ៉ាបផ្ទះ ឬជួសជុលខ្នាតតូចជាដើម។ ចំពោះសំណើធំៗដូចជា ការរើដំបូល ផ្តូរទីតាំងផ្ទះ ឬសង់ផ្ទះថ្មីជំនួសផ្ទះចាស់ជាដើម ក្រុមការងារសហគមន៍តែងនាំយកសំណើទាំងនោះមកជូនថ្នាក់ដឹកនាំពិនិត្យ និងសម្រេច៕






នៅព្រឹកថ្ងៃទី២៣ ខែវិច្ឆិកា ឆ្នាំ២០១៥ ឯកឧត្តម ឈរ ថាណាត អគ្គនាយករង និងជា តំណាងដ៏ខ្ពង់ខ្ពស់របស់ឯកឧត្តម ស៊ុំ ម៉ាប់ អគ្គនាយកអាជ្ញាធរជាតិអប្សរា បានដឹកនាំក្រុមការងារ នាំយកថវិកា អាវយឺត និងមួក ជាអំណោយដ៏ថ្លៃថ្លារបស់ឯកឧត្តមបណ្ឌិតសភាចារ្យ សុខ អាន ឧបនាយករដ្ឋមន្ត្រី រដ្ឋមន្ត្រី ទទួលបន្ទុកទីស្តីការគណៈរដ្ឋមន្ត្រី និងជាប្រធានអាជ្ញាធរជាតិអប្សរាទៅប្រគល់ជូនកីឡាករ កីឡាការិនីអុំទូកចំនួន១៨០នាក់ ដែលត្រូវជា០៦ទូក មក ពីស្រុកបន្ទាយស្រី ស្រុកអង្គរធំ ស្រុកបាគង ស្រុកពួក និងក្រុងសៀមរាប ដោយកីឡាករកីឡាការិនី ម្នាក់ៗ ទទួល បានមួក១ អាវយឺត៣ និងថវិកា៣០.០០០រៀល។
អាជ្ញាធរជាតិអប្សរា និងកិច្ចការសង្គម
( ថ្ងៃទី 06 ខែ វិច្ឆិកា ឆ្នាំ2015 )
អាជ្ញាធរជាតិអប្សរា មានគោលបំណងលើកស្ទួយជីវភាពប្រជាពលរដ្ឋដែលជូបប្រទះការលំបាក ជាពិសេសគឺប្រជាពលរដ្ឋដែលរស់នៅក្នុងតំបន់រមណីយដ្ឋានអង្គរ។ ជាក់ស្ដែង ក្រុមការងារសហគមន៍ទាំងអស់ របស់អាជ្ញាធរជាតិអប្សរា បានចុះជួយដោះស្រាយបញ្ហារបស់ប្រជាពលរដ្ឋក្នុងភូមិ ឃុំនានា ដែលស្ថិតក្នុងតំបន់រមណីយដ្ឋានអង្គរជាប្រចាំ តាមភាពជាក់ស្ដែង។
ស័ង្កសី៧៥សន្លឹក ចំណាយថវិការអស់ជិត៣លានរៀលត្រូវបានឯកឧត្តម ខួយ គឹមទួ ទីប្រឹក្សានិងជាប្រធានក្រុមសហគមន៍ក្រុមទី៤នៃអាជ្ញាធរជាតិអប្សរាបានយកទៅជូនប្រជាពលរដ្ឋតាមសំណូមពរ ដើម្បីជួសជុលសាលាឆទាន នៅភូមិតាប៉ាង សង្កាត់អំពិល ក្រុងសៀមរាប។
ស្ពានបេតុងទទឹង៣,៥ម៉ែត្រ និងបណ្តោយ២៥ម៉ែត្រ ដែលជាសំណូមពរបស់ប្រជាពលរដ្ឋ និងអាជ្ញាធរភូមិពាម ឃុំដូនកែវ ស្រុកពួក ស្នើសុំឲ្យអាជ្ញាធរជាតិអប្សរាជួយសាងសង់នោះ បច្ចុប្បន្នសម្រេចបាន៩៩% និងអាចធ្វើដំណើឆ្លងកាត់បានហើយ។
ឯកឧត្តម ហង់ ពៅ អគ្គនាយករងអាជ្ញាធរជាតិអប្សរា និងជាប្រធានក្រុមការងារសហគមន៍ប្រចាំស្រុកអង្គរធំ បានជំរុញឲ្យបងប្អូនប្រជាពលរដ្ឋចេះស្រឡាញ់ និងចូលរួមថែរក្សា បេតិកភណ្ឌ ពិភពលោកអង្គរ ដែលជាសម្បត្តិវប្បធម៌ដ៏មានតម្លៃរបស់មនុស្សជាតិ មិនអាចកាត់ថ្លៃបាន ដែលដូនតាខ្មែរបានបន្សល់ទុកឲ្យ។ ការជំរុញនេះ ធ្វើឡើងនៅក្នុងឱកាសជួបសំណេះសំណាលជាមួយប្រជាពលរដ្ឋនៅភូមិព្រះគោថ្មី ឃុំស្វាយចេក ស្រុកអង្គរធំ កាលពីព្រឹកថ្ងៃទី២៦ ខែតុលា ឆ្នាំ២០១៥។

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
5
ថ្ងៃនេះ
:
13095
ម្សិលមិញ
:
22718
សប្តាហ៍នេះ
:
35813
ខែនេះ
:
0316642
សរុប
:
010272789