ព័ត៌មានថ្មីៗ

គូសសញ្ញាជើងក្អែកលើចិញ្ចើមក្មេងក្នុងជំនឿខ្មែររបស់អ្នកខេត្តសៀមរាប

បានផ្សាយនៅ ថ្ងៃទី 17 ខែ មករា ឆ្នាំ2016 08:09 PM ដោយ ៖ អាជ្ញាធរជាតិអប្សរា
ការប្រារព្ធពិធីតាមជំនឿសាសនានៅពេលមានមនុស្សស្លាប់នៅតាមបណ្តាខេត្តក្រុងនៃព្រះរាជាណាចក្រកម្ពុជាតែងតែមានជាទូទៅ ប៉ុន្តែជំនឿក្នុងការយកធ្យូងមកគូសសញ្ញាជើងក្អែកនៅ លើចិញ្ចើមក្មេងនៅក្នុងភូមិ ពេលឃើញគេហែសពនិងបានឮដំណឹងថាមានអ្នកស្លាប់ ត្រូវបានប្រ ទះឃើញនៅក្នុងខេត្តសៀមរាបជាច្រើនកន្លែង តែទំនៀមនេះមានការថមថយបន្ដិចជាងសម័យមុន។

ព្រះតេជគុណ ម៉ក់ ប៉ឹង ចៅអធិការវត្តទីមុនីរង្សី ហៅវត្តព្រះអង្គទ្រង់និងជាអនុគណស្រុកពួក មានសង្ឃដីកាថា ការគូសសញ្ញាជើងក្អែកគឺមានទាំងលើផ្លូវនិងលើចិញ្ចើមក្មេងៗ វាជាជំនឿនិងទំនៀមដែលមានតាំងពីដូនតាខ្មែរយូរយារណាស់មកហើយ មិនដឹងស្ថិតក្នុងសម័យកាលណាទេ ហើយជំនឿនេះក៏មិនស្ថិតនៅក្នុងព្រះពុទ្ធសាសនាដែរ។

ព្រះអង្គមានសង្ឃដីកាបន្តទៀតថា មានហេតុផលពីរយ៉ាងសំខាន់នៅក្នុងជំនឿនេះ ទី១គឺ តាំងពីដើមមក ឱ្យតែមានអ្នកណាស្លាប់ ចាស់ៗតែងហាមក្មេងៗមិនឱ្យទៅជិតអើតមើលសពនោះទេ ថែមទាំងគូសជើងក្អែកលើចិញ្ចើមក្មេងៗទាំងនោះដើម្បីឱ្យខ្មោចខ្ពើមរអើម មិនឱ្យមកលងបន្លាចដែលនាំឱ្យក្មេងដេកយំយប់ ផ្អើល ឈឺ ឬស្លាប់ដោយសារតែភ័យលោះព្រលឹង។ ទី២ទាក់ទងនឹងការសង្គ្រោះរូបភូតទាំងបួន ពេលស្លាប់ទៅភូតនោះឯងតែងរឭកនឹកដល់ប្តីប្រពន្ធកូនសាច់ញាតិ អ្នកស្លាប់គិតថាបើអញស្លាប់ទៅ ប្រពន្ធកូនប្ដីសាច់ញាតិនឹងភ្លេចអញហើយ ដូច្នេះគេចង់វិលវិញ ទើបអ្នកនៅរស់តែងធ្វើបុណ្យឧទ្ទិសកុសលឱ្យព្រលឹងអ្នកស្លាប់បានស្ងប់ចិត្ត មិនវិលវល់មករកពួកខ្លួនទៀត។

ហេតុនេះក្រោយពីហែសពរួច អាចារ្យគូសជើងក្អែកលើផ្លូវជាការឧបកិច្ចចំពោះអ្នកស្លាប់ ដើម្បីឱ្យព្រលឹងសពវង្វេងរកផ្លូវមកផ្ទះមិនឃើញ កុំឱ្យនៅវិលវល់និងនឹករឭកដល់កូនចៅប្រពន្ធប្តីទៀត។ ការគូសខ្វែងលើផ្លូវនេះមិនសូវឃើញមានទេបច្ចុប្បន្ន។

លោក ម៉ៅ តេង ប្រជាពលរដ្ឋនៅភូមិចំបក់ហែ ឃុំពួក ស្រុកពួក ខេត្តសៀមរាប បានរៀបរាប់ថា និយាយរួមឱ្យតែមានមនុស្សស្លាប់ ក្មេងៗគេត្រូវខ្វែងជើងក្អែក ដើម្បីកុំឱ្យលោះព្រលឹង ខ្លាចខ្មោចដូនភូតនោះមកបន្លាច។ កាលពីអ៊ំនៅតូចឱ្យតែមានអ្នកណាស្លាប់ ម៉ែតែងតែគូសខ្វែងលើចិញ្ចើមឱ្យ ដល់មានកូនខ្លួនឯង ឱ្យតែមានអ្នកស្លាប់ក៏តែងគូសដូចគ្នា ទំនៀមនេះឃើញមានតាំងពីកើតមកម្ល៉េះ តែមិនដឹងថាមានពីសម័យណាទេ។

ប្រហែលជាជាង១០ឆ្នាំមុន ជំនឿនេះហាក់នៅមានអ្នកគោរពច្រើន គឺឱ្យតែមានអ្នកស្លាប់ សញ្ញាខ្វែងជើងក្អែកលើចិញ្ចើមក្មេងៗមានព្រោងព្រាតស្ទើរតែគ្រប់ភូមិស្រុកនៃអ្នកខេត្តសៀមរាប តែបច្ចុប្បន្នសញ្ញានេះមិនសូវឃើញមានឪពុកម្តាយជំនាន់ថ្មីគូសឱ្យកូនៗទេ ហើយក្មេងៗក៏មិនសូវជឿលើពាក្យហាមប្រាមរបស់ចាស់ៗមិនឱ្យទៅអើតមើលសពដែរ។

បច្ចុប្បន្នជំនឿនេះហាក់កំពុងសាបរលាបបន្តិចម្តងៗ ស្ទើរតែគ្មានក្មេងគូសជើងក្អែកលើចិញ្ចើមពេលឃើញគេហែសពឫឮដំណឹងថាមានអ្នកស្លាប់ ហើយក្មេងៗខ្លះថែមទាំងបានទៅអើតមើលសពទៀតផង លុះពេលត្រឡប់មកវិញក៏មិនឃើញមានបញ្ហាអីដែរ៕






អាជ្ញាធរជាតិអប្សរា និងសហការជាមួយនឹងអង្គការទេសចរណ៍ពិភពលោក (UNWTO) រៀបចំវគ្គបណ្តុះបណ្តាលក្រោមប្រធានបទ"ការគ្រប់គ្រង និងការបកស្រាយព័ត៌មាននៅក្នុងរមណីយដ្ឋានអង្គរ បេតិកភណ្ឌពិភពលោក"។ វគ្គបណ្តុះបណ្តាលនេះ នឹងផ្តល់ឱកាសដល់មគ្គុទ្ទេសក៏ទេសចរណ៍កម្ពុជាចំនួន ២០នាក់ដែលកំពុងបំពេញការងារនៅរមណីយដ្ឋានទេសចរណ៍វប្បធម៌ ចូលរួមក្នុងវគ្គបណ្តុះបណ្តាលខាងលើចំនួន ០៩ថ្ងៃ ចាប់ពីថ្ងៃទី ១២ ដល់ថ្ងៃទី ២០ ខែ មិថុនា ឆ្នាំ២០១៦ នៅម៉ាកាវ សាធារណរដ្ឋប្រជាមានិតចិន។
បុណ្យឆាកមហាបង្សុកូល
( ថ្ងៃទី 19 ខែ មិនា ឆ្នាំ2016 )
នៅក្នុងតំបន់អង្គរមានពិធីបុណ្យសាសនា និងទំនៀមទម្លាប់ប្រពៃណីបុរាណខ្មែរយ៉ាងច្រើន ដែលជាកេរដំណែលរបស់ដូនតាខ្មែរពីបុរាណបានបន្សល់ទុកសម្រាប់កូនចៅជំនាន់ក្រោយ។ ក្នុងចំណោមបុណ្យទាំងនោះ មានបុណ្យមួយឈ្មោះថា បុណ្យឆាកមហាបង្សុកូលដែលអ្នកភូមិក្រវ៉ាន់តែងតែប្រារព្ធធ្វើ ហើយបុណ្យនេះទៀត មិនមែនធ្វើជាលក្ខណៈបុណ្យភូមិទេ គឺគេធ្វើជាលក្ខណៈគ្រួសារ។
នៅថ្ងៃទី១៥ ខែមីនា ឆ្នាំ២០១៦នេះ អាជ្ញាធរជាតិអប្សរាបានចុះហត្ថលេខាលើកិច្ចសន្យាស្តីពីការជួសជុលសារមន្ទីរព្រះនរោត្តមសីហនុអង្គរ ជាមួយមូលនិធិក្លឹប១%នៃក្រុមហ៊ុនអ៊ីអុង និងសាកលវិទ្យាល័យសូហ្វ៊ីយ៉ា។ ពិធីនេះប្រារព្ធឡើង ក្រោមអធិបតីភាពឯកឧត្តមបណ្ឌិត ស៊ុំ ម៉ាប់ អគ្គនាយកអាជ្ញាធរជាតិអប្សរា លោក Hiroshi Yokoo ប្រធានក្រុមប្រឹក្សាភិបាលនិងជាប្រធានក្លឹបមូលនិធិអ៊ីអ៊ីង និងលោកសាស្រ្តាចារ្យ Yoshiaki Ishizawa ប្រធានមជ្ឈមណ្ឌលអាស៊ីសិក្សាស្រាវជ្រាវ និងបណ្តុះបណ្តាលធនធានមនុស្សនៃសាកលវិទ្យាសូហ្វីយ៉ា។
រសៀលថ្ងៃទី១០ ខែមីនា ឆ្នាំ២០១៦ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន បានដឹកនាំគណ:ប្រតិភូកាកបាទក្រហមកម្ពុជា ធ្វើទស្សនកិច្ចសារមន្ទីរសព្វទស្សន៍អង្គរ។ មានវត្តមានទទួល សម្តេចកិត្តិព្រឹទ្ធបណ្ឌិត និងគណ:ប្រតិភូទាំងអស់គឺ ឯកឧត្តមបណ្ឌិត ឃឹម ប៊ុនសុង អភិបាលនៃគណ:អភិបាលខេត្តសៀមរាប ឯកឧត្តមបណ្ឌិត ស៊ុំ ម៉ាប់ អគ្គនាយកអាជ្ញាធរជាតិអប្សរា ថ្នាក់ដឹកនាំ មន្ត្រីបុគ្គលិក របស់សាលាខេត្តសៀមរាប និងអាជ្ញាធរជាតិអប្សរាជាច្រើនរូបទៀត។ 
ដើមដំបូងមុន12345...1213បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
5
ថ្ងៃនេះ
:
1276
ម្សិលមិញ
:
28379
សប្តាហ៍នេះ
:
72519
ខែនេះ
:
0204645
សរុប
:
009673402