ព័ត៌មានថ្មីៗ

ថ្នាក់នាំ មន្រ្តី បុគ្គលិក របស់អាជ្ញាធរជាតិអប្សរា ចូលរួមក្នុងពិធីបុណ្យឆ្លងសមិទ្ធផលនៅស្ពានព្រះទិស និងអបអរសាទរទិវាបុណ្យជាតិ ៧ មករា

បានផ្សាយនៅ ថ្ងៃទី 08 ខែ មករា ឆ្នាំ2016 03:18 PM ដោយ ៖ អាជ្ញាធរជាតិអប្សរា
កាលពីថ្ងៃទី ០៦ ខែមករា ឆ្នាំ២០១៦ លោក ឈាន រដ្ឋា ប្រធាននាយកដ្ឋានស្តីទី នៃនាយកដ្ឋានអភិរក្សប្រាសាទក្រៅឧទ្យានអង្គរ បានដឹកនាំមន្រី្ត បុគ្គលិកក្រោមឱវាទ ទៅចូលរួមក្នុងពិធីបុណ្យនៅស្ពានបុរាណព្រះទិស (ស្ពានកំពង់ក្តី) ដែលផ្តួចផ្តើមឡើងដោយព្រះសង្ឃ គណៈកម្មការវត្ត ព្រមទាំងពុទ្ធបរិស័ទចំណុះជើងវត្តជីក្រែង និងសាលាស្រុកជីក្រែង ដែលប្រព្រឹត្តទៅពីថ្ងៃទី ០៦ ដល់ថ្ងៃទី ០៨ ខែមករា ឆ្នាំ ២០១៦។

គោលបំណងនៃការប្រារព្ធពិធីនេះ គឺដើម្បីឆ្លងសមិទ្ធផលដែលអាជ្ញាធរជាតិអប្សរា ព្រះសង្ឃវត្តជីក្រែង ប្រជាពលរដ្ឋ និងសាលាស្រុកជីក្រែង បានរួមគ្នាអភិរក្សនិងលើកតម្លៃបេតិកភណ្ឌវប្បធម៌ជាតិ ដោយបានចាក់ដីគ្រួសក្រហមបំពេញថ្លុកជង្ហុកដែលដក់ទឹកនៅលើតួស្ពាន និងបរិវេណស្ពានព្រះទិស ដើម្បីការពារការហូរច្រោះដែលបង្កផលប៉ះពាល់ដល់តួស្ពានបុរាណមួយនេះកាលពីថ្ងៃទី១៥ ខែ កញ្ញា ឆ្នាំ ២០១៥ កន្លងទៅ។

ជាពិសេសទៀតនោះ កម្មវិធីក៏រៀបចំឡើង ដើម្បីចូលរួមអបអរសាទរទិវាបុណ្យជាតិខួបលើកទី៣៧ នៃថ្ងៃជ័យជំនះ ៧ មករា (០៧.០១.១៩៧៩ - ០៧.០១.២០១៦) ដែលប្រជាពលរដ្ឋខ្មែរគ្រប់រូបចងចាំមិនភ្លេច នូវព្រឹត្តិការណ៍ប្រវត្តិសាស្រ្ត ដែលខ្មែរគ្រប់រូបបានរួចផុតពីរណ្តៅមរណៈ របស់បនប្រល័យពូជសាសន៍ ប៉ុល ពត។ នៅក្នុងពិធីនេះដែរ ក៏មានការសំដែងសិល្បៈ របាំបុរាណ។ល។ ដើម្បីថែរក្សាប្រពៃណីទំនៀមទម្លាប់ និងជំនឿពីបុរាណ។

នៅក្នុងឱកាសនោះដែរ ទាំងព្រះសង្ឃ គណៈកម្មការវត្ត លោកប្រធាននាយកដ្ឋានស្តីទី និងលោកអភិបាលស្រុក បានសំដែងសេចក្តីរីករាយចំពោះកិច្ចសហការគ្នាយ៉ាងល្អប្រសើរ ក្នុងកិច្ចការអភិរក្សនិងលើកតម្លៃបេតិកភណ្ឌជាតិរបស់យើង ជាពិសេស ការបំផុសប្រជាពលរដ្ឋក្នុងស្រុកជីក្រែងទាំងមូល ឲ្យចេះស្រឡាញ់ និងចូលរួមថែរក្សាមតរកវប្បធម៌របស់ខ្លួន ឲ្យបានគង់វង្សសម្រាប់កូនចៅជំនាន់ក្រោយ៕










រសៀលថ្ងៃទី១ ខែកក្កដា ឆ្នាំ២០១៥ ប្រជាពលរដ្ឋរស់នៅភូមិវាល សង្កាត់គោកចក ក្រុងសៀមរាប (នៅខាងត្បូងទីតាំងបាឡុង មុខប្រាសាទអង្គរវត្ត) បានប្រទះឃើញបំណែកវត្ថុបុរាណចំនួន២ដុំ
ព្រឹកថ្ងៃទី២៤ ខែមិថុនា ឆ្នាំ២០១៥នេះ អាជ្ញាធរជាតិអប្សរាសហការ ជាមួយកម្លាំងនគរបាលការពារបេតិកភណ្ឌ និងកម្លាំងសណ្តាប់ធ្នាប់ បានចុះឃាត់ការសាងសង់ របងថ្មបេតុង ដែលធ្វើហ៊ុមព័ទ្ធទីទួលបុរាណ
កាលពីថ្ងៃទី១៨ ខែមិថុនា ឆ្នាំ២០១៥ អាជ្ញាធរជាតិអប្សរាសហការជាមួយនគរបាលការពារបេតិកភណ្ឌ បានចុះឃាត់ប្រជាពលរដ្ឋ ២គ្រួសារ ដែលបានរុករានដីធ្វើកសិកម្ម ធ្វើឲ្យប៉ះពាល់ដល់ឡបុរាណ
នៅរសៀលថ្ងៃទី៩ ខែមិថុនា ឆ្នាំ២០១៥ ក្រុមអ្នកជំនាញអភិរក្សនិងជួសជុលក្បាច់ចម្លាក់ ១៩នាក់ដែលមកពីនាយកដ្ឋានអភិរក្សប្រាសាទក្នុងឧទ្យានអង្គរនិងបុរាណវិទ្យាបង្ការ នាយកដ្ឋានអភិរក្សប្រាសាទក្រៅឧទ្យានអង្គរ នាយកដ្ឋានអភិវឌ្ឍន៍វប្បធម៌ សារមន្ទីរ និងបទដ្ឋានបេតិកភណ្ឌ និងសារមន្ទីរព្រះនរោត្តមសីហនុនៃអាជ្ញាធរជាតិអប្សរា និង អាជ្ញាធរជាតិព្រះវិហារ បានធ្វើបទបង្ហាញស្តីពីសមិទ្ធផលការងារការអភិរក្ស និងការ ជួសជុលក្បាច់ចម្លាក់ទាំង៤ការដ្ឋាននៅតំបន់ឧទ្យានអង្គរដល់ព្រះសង្ឃចំនួន៧៥អង្គ នៅវត្តរាជបូណ៌។
ដើមដំបូងមុន123456បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
2
ថ្ងៃនេះ
:
1144
ម្សិលមិញ
:
16977
សប្តាហ៍នេះ
:
18121
ខែនេះ
:
0206252
សរុប
:
009165823