ព័ត៌មានថ្មីៗ

ការរៀបចំវង់ទស្សនា្រប្រាសាទតាព្រហ្ម គឺដើម្បីរៀបចំសណ្តាប់ធ្នាប់ រក្សាសុវត្ថិភាពភ្ញៀវ និងប្រាសាទ

បានផ្សាយនៅ ថ្ងៃទី 04 ខែ មករា ឆ្នាំ2016 08:24 AM ដោយ ៖ អាជ្ញាធរជាតិអប្សរា

តាំងពីខែមីនា ឆ្នាំ២០១៥មក ការទស្សនាប្រាសាទតាព្រហ្មត្រូវបានរៀបចំជាវង់ទស្សនាឯកទិសត្រង់ផ្នែកកណ្តាល ដោយតម្រូវឲ្យភ្ញៀវទេសចរចូលតាមច្រកខាងកើតតែមួយច្រក។ ការរៀបចំនេះ គឺក្នុងគោលដៅរក្សាសណ្តាប់ធ្នាប់នៃការទស្សនា កាត់បន្ថយការកកស្ទះ រក្សាសុវត្ថិភាពជូនភ្ញៀវ និងពិសេសសុវត្ថិភាពប្រាសាទ។ ចុងឆ្នាំ២០១៥កន្លងទៅនេះ អាជ្ញាធរជាតិអប្សរាបានសម្រេចបើកបន្ថែម ច្រកចូលខាងកើតមួយទៀតត្រង់ថែវដែលក្រុមការងារASI របស់ប្រទេសឥណ្ឌាបានជួសជុលរួចរាល់ ដើម្បីសម្រួលលំហូរភ្ញៀវទេសចរកាន់តែប្រសើរថែមទៀត។

ប្រធានក្រុមឆ្មាំប្រចាំប្រាសាទតាព្រហ្ម លោក ឡុង ស៊ីនឿន បានឲ្យដឹងនៅព្រឹកថ្ងៃទី០៣ មករា ឆ្នាំ២០១៦នេះថា ការរៀបចំវង់ទស្សនានេះឡើង យើងទទួលបានការពេញចិត្តពីភ្ញៀវទេសចរ និងបណ្តាមគ្គុទ្ទេសក៍ជាច្រើន។ ជាពិសេស ការរៀបចំនេះក៏ងាយស្រួលដល់ក្រុមការងាររបស់លោកក្នុងការរក្សាសណ្តាប់ធ្នាប់ និងលើកកម្ពស់គុណភាពទស្សនាចរកាន់តែល្អប្រសើរ។

លោកស្រី អ៊ុំ ម៉ារ៉ាឌី អនុប្រធានទទួលបន្ទុករួមនាយកដ្ឋានអភិវឌ្ឍន៍ទេសចរណ៍អង្គរបញ្ជាក់ថា ការរៀបចំវង់ទស្សនានេះ គឺជាដំណោះស្រាយទៅលើបញ្ហាកកស្ទះ ដោយដើរបញ្ច្រាសទិសគ្នានាពេលកន្លងមក។ ក្រោយការអនុវត្តសាកល្បងនូវវង់ទស្សនានេះ យើងសង្កេតឃើញថា ភ្ញៀវភាគច្រើនមានការពេញចិត្ត ហើយយើងក៏ធានាបាននូវសុវត្ថិភាពនៃការទស្សនារបស់ភ្ញៀវ និងធានាដល់សុវត្ថិភាពប្រាសាទផងដែរ។ ផ្នែកខាងក្នុងប្រាសាទ មានភាពទូលាយល្មម មិនកកចង្អៀតខ្លាំងដូចពេលមុនៗទេ ព្រោះយើងរៀបចំឲ្យភ្ញៀវចូលទស្សនាតាមលំដាប់លំដោយ និងមិនឲ្យត្រឡប់ថយក្រោយ។

អគ្គនាយករង និងជាប្រធានក្រុមការងារអនុវត្តផែនការគ្រប់គ្រងទេសចរណ៍អង្គរ (TMP) ឯកឧត្តម សុខ សង្វារ បញ្ជាក់ថា ការដាក់ឲ្យអនុវត្តវង់ទស្សនានេះ យើងបានសិក្សា និងពិគ្រោះយោបល់យ៉ាងម៉ត់ចត់ជាមួយអ្នកជំនាញជាច្រើន ជាពិសេសគណៈកម្មាធិការអាយស៊ីស៊ីអង្គរ។ យើងគិតគូរពីសុវត្ថិភាពប្រាសាទ សុវត្ថិភាពភ្ញៀវទេសចរ និងតម្លៃរបស់ប្រាសាទជាចម្បង។ ទោះជាយ៉ាងណា ឯកឧត្តមបញ្ជាក់ថារីករាយនឹងទទួលនូវគំនិតកែលម្អ ក្នុងន័យស្ថាបនាពីសំណាក់ភ្ញៀវ និងមគ្គុទ្ទេសក៍គ្រប់គ្នា ធ្វើយ៉ាងណាឲ្យភ្ញៀវទេសចរដែលមកទស្សនាអង្គរ ទទួលបានបទពិសោធន៍ល្អ និងផ្សព្វផ្សាយបទពិសោធន៍ល្អទាំងនោះបន្តទៅភ្ញៀវផ្សេងៗទៀត៕






លោកស្រី Gillian Green អ្នកជំនាញជនជាតិអូស្ត្រាលី ផ្នែកវាយនភណ្ឌប្រពៃណី និងជាសមាជិកកិត្តិយសនាយកដ្ឋានប្រតិបត្តិសិល្បៈនៃសាកលវិទ្យាល័យស៊ីដនី ព្រមទាំងជាប្រធានសមាគមសិល្បៈអាស៊ីអូស្ត្រាលី (TAASA) បានយកអំណោយផ្ទាល់ខ្លួនជាសម្ភារៈនិងឧបករណ៍តម្បាញនៃប្រទេសក្នុងតំបន់មេគង្គ ដែលសន្សំបានពីការស្រាវជ្រាវជាយូរឆ្នាំមកហើយ ជូនសារមន្ទីរវាយនភណ្ឌប្រពៃណីអាស៊ីនាព្រឹកថ្ងៃទី១០ ខែមីនា ឆ្នាំ២០១៦។ អំណោយទាំងអស់រួមមានសម្ភារ:សរុបចំនួន៤០ ហើយបែងចែកជា៩មុខ ដួចជា៖ ១- រ៉ក ២- ត្រាក់តម្បាញមួយគូ ៣- ក្តារត្រដក់មួយគូនិងមួយចំហៀង ៤- ជើងដាច់មួយគូនិងមួយចំហៀង ៥- ឈើអន្ទងមួយគូ ៦- ប្រាំង ៧- ឧបករណ៍ស្រាវសូត្រមួយសម្រាប់ ៨- ត្រល់ ៩- ឧបករណ៍កិនផ្លែកប្បាស។ ឧបករណ៍ទាំងនេះធ្វើឡើងពីឈើ ឫស្សី ដែលជាចំណែកផ្សេងៗនៃកីតម្បាញ សម្រាប់ដំណើការត្បាញ មានប្រភពមកពីប្រទេសកម្ពុជា ប្រទេសថៃ និងប្រទេសមីយ៉ាន់មា ហើយមានអាយុកាលមិនក្រោមពី៥០ឆ្នាំឡើយ។
នៅពីមុខប្រាសាទអង្គរវត្ត ដែលជាបេតិកភណ្ឌពិភពលោកដ៏ល្បីល្បាញរបស់កម្ពុជា នាព្រឹកថ្ងៃទី០២ ខែមីនា ឆ្នាំ២០១៦ អាជ្ញាធរជាតិអប្សរាបានរៀបចំទិវាវប្បធម៌ជាតិ ០៣ មីនា លើកទី១៨ ដោយមានការអញ្ជើញចូលរួមពីសំណាក់ថ្នាក់ដឹកនាំ ស្ថាប័នពាក់ព័ន្ធ មន្ត្រីបុគ្គលិក ឆ្មាំ កម្មករ និងសិស្ស និស្សិតយ៉ាងច្រើនកុះករ។
សក្តានុពលទេសចរណ៍នៅខេត្តសៀមរាប គឺទេសចរណ៍វប្បធម៌ ដែលក្រៅពីប្រាង្គប្រាសាទដ៏ល្បីល្បាញជាច្រើនហើយនោះ ជំនឿក៏ជាដួងព្រលឹងដែលមានជីវិតរស់រវើកនិងមានឥទ្ធិពលក្នុងផ្នត់គំនិតរបស់អ្នកស្រុកអង្គរ ហើយត្រូវបានគោរពបូជានិងជឿជាក់យ៉ាងមុតមាំទៀតផង។
ពិធីលៀងមេមត់នៅភូមិក្រវ៉ាន់
( ថ្ងៃទី 24 ខែ កុម្ភៈ ឆ្នាំ2016 )
ជារឿងកម្រសម្រាប់មនុស្សសម័យថ្មីដែលបានគិតគូរ និងជឿស៊ប់លើជំនឿ មូលហេតុដោយសារតែវិទ្យាសាស្ត្រជឿនលឿនខ្លាំង។ ការមិនស្គាល់ពីតម្លៃ និងយកចិត្តទុកដាក់របស់កូនខ្មែរភាគច្រើន បូករួមនឹងការហូរចូលវប្បធម៌បរទេសផងនោះ បានធ្វើឱ្យទំនៀមទម្លាប់មួយចំនួន ដែលជាកេរមរតកដូនតាបន្សល់ទុករាប់សតវត្សមកហើយត្រូវបាត់បង់ម្តងបន្តិចៗ។
ស្វែងយល់ខ្លឹមសារពិធីបុណ្យមាឃបូជា
( ថ្ងៃទី 23 ខែ កុម្ភៈ ឆ្នាំ2016 )
បណ្តាពិធីបុណ្យសំខាន់ៗរបស់ព្រះពុទ្ធសាសនា មាឃបូជា គឺជាពិធីបុណ្យមួយដែលពុទ្ធសាសនិកជនគ្រប់ប្រទេស អ្នកកាន់ព្រះពុទ្ធសាសនាតែងប្រារព្ធធ្វើជារៀងរាល់ឆ្នាំ មិនដែលខកខាន។ ពិធីបុណ្យនេះប្រារព្ធឡើងជារៀងរាល់ថ្ងៃ១៥កើត ខែមាឃ ដើម្បីរំឭកទៅដល់ព្រឹត្តិការណ៍ដ៏សំខាន់ ២ ចំណុចដែលបានកើតឡើង នៅក្នុងពេលដែលព្រះពុទ្ធជាម្ចាស់ ទ្រង់ព្រះធរមាននៅឡើយ។ ព្រឹត្តិការណ៍សំខាន់ទី១ គឺពេលដែលព្រះអង្គទ្រង់ប្រជុំព្រះភិក្ខុសង្ឃចំនួន ១២៥០អង្គ ជាការប្រជុំលើកដំបូង ដើម្បីប្រកាសនូវគោលការណ៍មូលដ្ឋាននៃសាសនា ដែលហៅថា ឱវាទបាតិមោក្ខ។ ខ្លឹមសារសង្ខេបនៃឱវាទបាតិមោក្ខនោះមាន៣គាថាគឺ៖

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
6
ថ្ងៃនេះ
:
8045
ម្សិលមិញ
:
9096
សប្តាហ៍នេះ
:
57796
ខែនេះ
:
0152475
សរុប
:
012921907