ព័ត៌មានថ្មីៗ

វត្តកោះកែវបារាយណ៍រតន៍វត្តខា្នតរង្សី ចង់បានទំនៀមបុរាណ

បានផ្សាយនៅ ថ្ងៃទី 31 ខែ ធ្នូ ឆ្នាំ2015 10:28 AM ដោយ ៖ អាជ្ញាធរជាតិអប្សរា

វត្តកោះកែវបារាយណ៍រតន៍វត្តខ្នាតរង្សី ស្ថិតនៅភូមិខ្នាត ឃុំខ្នាត ស្រុកពួក ខេត្តសៀមរាប និងជាវត្តស្ថិតនៅក្នុងតំបន់ត្រូវការពារ នៃរមណីយដ្ឋានអង្គរ។ វត្តនេះ ធ្លាប់បានបង្កើតតាំងពីជាងមួយរយឆ្នាំមុន តែត្រូវបាក់បែកខូចខាតក្នុងអំឡុងពេលសង្គ្រាម។ ក្រោយពេលដែលសង្គ្រាមបានបញ្ចប់ ទើបព្រះសង្ឃនិងពុទ្ធបរិស័ទ រួមគ្នារៀបចំវត្តនេះឡើងវិញ ហើយកសាងសំណង់ផ្សេងៗជាហូរហែ។

បច្ចុប្បន្ន វត្តនេះ មានព្រះសង្ឃគង់នៅ ចំនួន១៣អង្គ ភិក្ខុ៦អង្គ និងសាមណេរ៧អង្គ។ បើនិយាយពីកិច្ចប្រតិបត្តិប្រចាំថ្ងៃរបស់លោកវិញ មានចំណុចខ្លះៗ ស្ថិតនៅក្នុងលក្ខណៈបុរាណ ហើយនិងខ្លះទៀត មានលក្ខណៈស្របតាមសម័យកាលបច្ចុប្បន្ន។ ថ្វីត្បិតតែ វត្តនេះ មានទីតាំងស្ថិតនៅជាប់នឹងជាយខាងលិចក្រុងសៀមរាប តាមបណ្ដោយផ្លូវជាតិលេខ៦ក៏ដោយ តែព្រះសង្ឃវត្តនេះ នៅមានបំណងចង់ថែរក្សាទំនៀមទម្លាប់បែបបុរាណឲ្យបានគង់វង្សតទៅទៀត។ ចំណុចខ្លះៗដែលជាទំនៀមបែបបុរាណ គឺ ការចូលព្រះវិហារថ្វាយបង្គំ សូធ្យធម៌ រំឭកគុណព្រះរតនត្រ័យ។ ទំនៀមមួយនេះគឺ សាមណេរ ត្រូវសូធ្យធម៌ថ្វាយបង្គំព្រះរតនត្រ័យ នៅសាលាធម្ម ឬនៅក្នុងកុដិរបស់ខ្លួន។ រីឯភិក្ខុត្រូវចូលទៅថ្វាយបង្គំព្រះរតនត្រ័យក្នុងព្រះវិហារ រួចហើយត្រូវរៀបចំជើងពាន ដែលមានតម្កល់ទៀនធូបផ្កាភ្ញី យកមកអារាធនាលោកគ្រូចៅអធិការ និមន្តទៅថ្វាយបង្គំព្រះរតនត្រ័យក្នុងព្រះវិហារមួយអង្គឯង។

ម្យ៉ាងទៀត កិច្ចមួយពាក់ព័ន្ធនឹងវិន័យក្នុងព្រះសាសនាគឺ ការប្រជុំភិក្ខុសង្ឃរាល់កន្លះខែម្ដង ដើម្បីធ្វើការជម្រះមន្ទិលផ្សេងៗ ក៏ដូចជាការសម្ដែងអាបត្តិ និងការសម្ដែងភិក្ខុបាតិមោក្ខ។ វិន័យកម្មនេះ ត្រូវបានភិក្ខុគោរពតាមពុទ្ធប្បញ្ញត្តិ តាំងពីពុទ្ធសម័យ តែបច្ចុប្បន្ន ការគោរពប្រតិបត្តិកិច្ចមួយនេះ បានបាត់បង់ដោយច្រើន មាននៅសល់តាមកន្លែងមួយចំនួនប៉ុណ្ណោះ ព្រោះវិន័យកម្មនេះជាកិច្ចពិបាកនឹងធ្វើតាម និងពិបាកក្នុងការទន្ទេញឲ្យចាំផងដែរ។

ចំពោះការបំបួសកុលបុត្រវិញ ក៏មានការថយចុះពីមួយឆ្នាំទៅមួយឆ្នាំ ព្រោះសម័យបច្ចុប្បន្ន ជាសម័យកាលជឿនលឿន ស្រទាប់យុវវ័យនិយមចូលចិត្តភាពសប្បាយរីករាយ និងសេរីភាពរបស់ខ្លួន ដូច្នេះ ពិបាករកកុលបុត្រដែលមានសទ្ធាជ្រះថ្លាចង់បួសក្នុងព្រះពុទ្ធសាសនា។ តែបើបានជាបួសហើយ ក៏បួសមិនបានយូរដែរ គឺបួសបានត្រឹមតែមួយវស្សា ឬពីរវស្សាប៉ុណ្ណោះ ហើយក៏លាចាកសិក្ខាទៅជាគ្រហស្ថវិញ។

ព្រះតេជគុណ កើត កា គ្រូចៅអធិការវត្តនេះ មានបំណងចង់រក្សាទំនៀបែបមបុរាណឲ្យបានគង់វង្សដែរ តែលោកពិបាកនឹងធ្វើ ព្រោះកាលៈទេសៈមិនអំណោយផល ដល់ការអនុវត្ត។ លោកបានសំណូមពរឲ្យបងប្អួន យុវវ័យខ្មែរទាំងអស់ ប្រឹងប្រែងរក្សាទំនៀមទម្លាប់ប្រពៃណីរបស់ជាតិខ្មែរ ឲ្យបានគង់វង្ស ត្រូវជៀសវាងការយកវប្បធម៌មិនល្អពីជាតិសាសន៍ដទៃ មកបញ្ចូលក្នុងសង្គមរបស់ខ្លួន ព្រោះជាហេតុធ្វើឲ្យបាត់តម្លៃនៃវប្បធម៌ខ្មែរ។








លោកស្រី Gillian Green អ្នកជំនាញជនជាតិអូស្ត្រាលី ផ្នែកវាយនភណ្ឌប្រពៃណី និងជាសមាជិកកិត្តិយសនាយកដ្ឋានប្រតិបត្តិសិល្បៈនៃសាកលវិទ្យាល័យស៊ីដនី ព្រមទាំងជាប្រធានសមាគមសិល្បៈអាស៊ីអូស្ត្រាលី (TAASA) បានយកអំណោយផ្ទាល់ខ្លួនជាសម្ភារៈនិងឧបករណ៍តម្បាញនៃប្រទេសក្នុងតំបន់មេគង្គ ដែលសន្សំបានពីការស្រាវជ្រាវជាយូរឆ្នាំមកហើយ ជូនសារមន្ទីរវាយនភណ្ឌប្រពៃណីអាស៊ីនាព្រឹកថ្ងៃទី១០ ខែមីនា ឆ្នាំ២០១៦។ អំណោយទាំងអស់រួមមានសម្ភារ:សរុបចំនួន៤០ ហើយបែងចែកជា៩មុខ ដួចជា៖ ១- រ៉ក ២- ត្រាក់តម្បាញមួយគូ ៣- ក្តារត្រដក់មួយគូនិងមួយចំហៀង ៤- ជើងដាច់មួយគូនិងមួយចំហៀង ៥- ឈើអន្ទងមួយគូ ៦- ប្រាំង ៧- ឧបករណ៍ស្រាវសូត្រមួយសម្រាប់ ៨- ត្រល់ ៩- ឧបករណ៍កិនផ្លែកប្បាស។ ឧបករណ៍ទាំងនេះធ្វើឡើងពីឈើ ឫស្សី ដែលជាចំណែកផ្សេងៗនៃកីតម្បាញ សម្រាប់ដំណើការត្បាញ មានប្រភពមកពីប្រទេសកម្ពុជា ប្រទេសថៃ និងប្រទេសមីយ៉ាន់មា ហើយមានអាយុកាលមិនក្រោមពី៥០ឆ្នាំឡើយ។
នៅពីមុខប្រាសាទអង្គរវត្ត ដែលជាបេតិកភណ្ឌពិភពលោកដ៏ល្បីល្បាញរបស់កម្ពុជា នាព្រឹកថ្ងៃទី០២ ខែមីនា ឆ្នាំ២០១៦ អាជ្ញាធរជាតិអប្សរាបានរៀបចំទិវាវប្បធម៌ជាតិ ០៣ មីនា លើកទី១៨ ដោយមានការអញ្ជើញចូលរួមពីសំណាក់ថ្នាក់ដឹកនាំ ស្ថាប័នពាក់ព័ន្ធ មន្ត្រីបុគ្គលិក ឆ្មាំ កម្មករ និងសិស្ស និស្សិតយ៉ាងច្រើនកុះករ។
សក្តានុពលទេសចរណ៍នៅខេត្តសៀមរាប គឺទេសចរណ៍វប្បធម៌ ដែលក្រៅពីប្រាង្គប្រាសាទដ៏ល្បីល្បាញជាច្រើនហើយនោះ ជំនឿក៏ជាដួងព្រលឹងដែលមានជីវិតរស់រវើកនិងមានឥទ្ធិពលក្នុងផ្នត់គំនិតរបស់អ្នកស្រុកអង្គរ ហើយត្រូវបានគោរពបូជានិងជឿជាក់យ៉ាងមុតមាំទៀតផង។
ពិធីលៀងមេមត់នៅភូមិក្រវ៉ាន់
( ថ្ងៃទី 24 ខែ កុម្ភៈ ឆ្នាំ2016 )
ជារឿងកម្រសម្រាប់មនុស្សសម័យថ្មីដែលបានគិតគូរ និងជឿស៊ប់លើជំនឿ មូលហេតុដោយសារតែវិទ្យាសាស្ត្រជឿនលឿនខ្លាំង។ ការមិនស្គាល់ពីតម្លៃ និងយកចិត្តទុកដាក់របស់កូនខ្មែរភាគច្រើន បូករួមនឹងការហូរចូលវប្បធម៌បរទេសផងនោះ បានធ្វើឱ្យទំនៀមទម្លាប់មួយចំនួន ដែលជាកេរមរតកដូនតាបន្សល់ទុករាប់សតវត្សមកហើយត្រូវបាត់បង់ម្តងបន្តិចៗ។
ស្វែងយល់ខ្លឹមសារពិធីបុណ្យមាឃបូជា
( ថ្ងៃទី 23 ខែ កុម្ភៈ ឆ្នាំ2016 )
បណ្តាពិធីបុណ្យសំខាន់ៗរបស់ព្រះពុទ្ធសាសនា មាឃបូជា គឺជាពិធីបុណ្យមួយដែលពុទ្ធសាសនិកជនគ្រប់ប្រទេស អ្នកកាន់ព្រះពុទ្ធសាសនាតែងប្រារព្ធធ្វើជារៀងរាល់ឆ្នាំ មិនដែលខកខាន។ ពិធីបុណ្យនេះប្រារព្ធឡើងជារៀងរាល់ថ្ងៃ១៥កើត ខែមាឃ ដើម្បីរំឭកទៅដល់ព្រឹត្តិការណ៍ដ៏សំខាន់ ២ ចំណុចដែលបានកើតឡើង នៅក្នុងពេលដែលព្រះពុទ្ធជាម្ចាស់ ទ្រង់ព្រះធរមាននៅឡើយ។ ព្រឹត្តិការណ៍សំខាន់ទី១ គឺពេលដែលព្រះអង្គទ្រង់ប្រជុំព្រះភិក្ខុសង្ឃចំនួន ១២៥០អង្គ ជាការប្រជុំលើកដំបូង ដើម្បីប្រកាសនូវគោលការណ៍មូលដ្ឋាននៃសាសនា ដែលហៅថា ឱវាទបាតិមោក្ខ។ ខ្លឹមសារសង្ខេបនៃឱវាទបាតិមោក្ខនោះមាន៣គាថាគឺ៖

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
3
ថ្ងៃនេះ
:
0439
ម្សិលមិញ
:
1922
សប្តាហ៍នេះ
:
00439
ខែនេះ
:
0048912
សរុប
:
009422188