ព័ត៌មានថ្មីៗ

អ្នកស្រុកក្នុងឧទ្យានអង្គរដែលឆ្លងទន្លេទទួលការឧបត្ថម្ភសម្ភារៈគាំពារទារក ពីឯកឧត្តមបណ្ឌិតសភាចារ្យ សុខ អាន ប្រធានអាជ្ញាធរជាតិអប្សរា

បានផ្សាយនៅ ថ្ងៃទី 16 ខែ ធ្នូ ឆ្នាំ2015 01:28 PM ដោយ ៖ អាជ្ញាធរជាតិអប្សរា

អំណោយជាសម្ភារៈប្រើប្រាស់សម្រាប់ទារក និងថវិកាជាចំណងដៃត្រូវបានផ្តល់ជូនជាបន្តបន្ទាប់ ដល់ស្ត្រីឆ្លងទន្លេដែលជាអ្នកស្រុកក្នុងឧទ្យានអង្គរ តាមរយៈក្រុមការងារសហគមន៍នៃអាជ្ញាធរជាតិអប្សរា។ សម្ភារៈទាំងនោះរួមមាន កន្ត្រក កូនមុងសម្រាប់ទារក បំពង់ទឹកក្តៅ កន្សែងពោះគោ ខោអាវបីកំប្លេ និងថវិកាពីរម៉ឺនរៀល ដែលជាអំណោយដ៏ថ្លៃរបស់ឯកឧត្តមបណ្ឌិតសភាចារ្យ សុខ អាន ឧបនាយករដ្ឋមន្ត្រី រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី និងជាប្រធានអាជ្ញាធរជាតិអប្សរា និងលោកជំទាវ។

សម្ភារៈ និងថវិកាទាំងនេះត្រូវបាន ក្រុមការងារសហគមន៍នៃអាជ្ញាធរជាតិអប្សរា ចុះចែកជូនដល់លំនៅឋានផ្ទាល់ ដើម្បីជាការចូលរួមសួរសុខទុក្ខ ក៏ដូចជាការស្តាប់នូវរាល់សំណូមពរទាំងឡាយរបស់ប្រជាសហគមន៍ ដែលរស់នៅក្នុងឧទ្យានអង្គរ។

លោក អឿន សំអុន អនុប្រធានក្រុមការងារសហគមន៍នៃអាជ្ញាធរជាតិអប្សរា បញ្ជាក់ថា ការផ្តល់ជូននេះបានចាប់ផ្តើមពីខែតុលា ឆ្នាំ២០១៥មក។ មកទល់នឹងថ្ងៃទី១៦ ខែធ្នូ ឆ្នាំ២០១៥មានស្ត្រីឆ្លងទន្លេចំនួនជាង១០០គ្រួសារហើយ ដែលទទួលបាននូវអំណោយឧត្ថម្ភទាំងនេះ ហើយក្រុមការងារសហគមន៍ នឹងបន្តចែកជូនជាបន្តបន្ទាប់ទៅទៀតដល់គ្រប់ស្ត្រីឆ្លងទន្លេ ដែលរស់នៅក្នុងឧទ្យានអង្គរ។

រមណីយដ្ឋានអង្គរ មានទំហំ៤០១គីឡូម៉ែត្រក្រឡា ស្ថិតនៅក្នុង៥ក្រុង និងស្រុក ២១ឃុំសង្កាត់ និង១១៣ភូមិ មានប្រជាពលរដ្ឋរស់នៅប្រហែល១២ម៉ឺននាក់។ រមណីយដ្ឋាននេះ ត្រូវបានចុះក្នុងបញ្ជីបេតិកភណ្ឌពិភពលោក តាំងពីឆ្នាំ១៩៩២មកម្ល៉េះ។ ការចុះបញ្ជីនេះ មិនមែនមានត្រឹមតែប្រាង្គប្រាសាទនោះទេ ទេសភាពវប្បធម៌ បរិស្ថាន ទំនៀមទម្លាប់ប្រពៃណី ដែលជាបេតិកភណ្ឌអរូបីដ៏សំខាន់របស់អ្នកស្រុកក្នុងឧទ្យានអង្គរ ក៏ជាចំណែកមួយដ៏សំខាន់របស់បេតិកភណ្ឌពិភពលោកផងដែរ៕












នៅព្រឹកថ្ងៃទី២៣ ខែវិច្ឆិកា ឆ្នាំ២០១៥ ឯកឧត្តម ឈរ ថាណាត អគ្គនាយករង និងជា តំណាងដ៏ខ្ពង់ខ្ពស់របស់ឯកឧត្តម ស៊ុំ ម៉ាប់ អគ្គនាយកអាជ្ញាធរជាតិអប្សរា បានដឹកនាំក្រុមការងារ នាំយកថវិកា អាវយឺត និងមួក ជាអំណោយដ៏ថ្លៃថ្លារបស់ឯកឧត្តមបណ្ឌិតសភាចារ្យ សុខ អាន ឧបនាយករដ្ឋមន្ត្រី រដ្ឋមន្ត្រី ទទួលបន្ទុកទីស្តីការគណៈរដ្ឋមន្ត្រី និងជាប្រធានអាជ្ញាធរជាតិអប្សរាទៅប្រគល់ជូនកីឡាករ កីឡាការិនីអុំទូកចំនួន១៨០នាក់ ដែលត្រូវជា០៦ទូក មក ពីស្រុកបន្ទាយស្រី ស្រុកអង្គរធំ ស្រុកបាគង ស្រុកពួក និងក្រុងសៀមរាប ដោយកីឡាករកីឡាការិនី ម្នាក់ៗ ទទួល បានមួក១ អាវយឺត៣ និងថវិកា៣០.០០០រៀល។
អាជ្ញាធរជាតិអប្សរា និងកិច្ចការសង្គម
( ថ្ងៃទី 06 ខែ វិច្ឆិកា ឆ្នាំ2015 )
អាជ្ញាធរជាតិអប្សរា មានគោលបំណងលើកស្ទួយជីវភាពប្រជាពលរដ្ឋដែលជូបប្រទះការលំបាក ជាពិសេសគឺប្រជាពលរដ្ឋដែលរស់នៅក្នុងតំបន់រមណីយដ្ឋានអង្គរ។ ជាក់ស្ដែង ក្រុមការងារសហគមន៍ទាំងអស់ របស់អាជ្ញាធរជាតិអប្សរា បានចុះជួយដោះស្រាយបញ្ហារបស់ប្រជាពលរដ្ឋក្នុងភូមិ ឃុំនានា ដែលស្ថិតក្នុងតំបន់រមណីយដ្ឋានអង្គរជាប្រចាំ តាមភាពជាក់ស្ដែង។
ស័ង្កសី៧៥សន្លឹក ចំណាយថវិការអស់ជិត៣លានរៀលត្រូវបានឯកឧត្តម ខួយ គឹមទួ ទីប្រឹក្សានិងជាប្រធានក្រុមសហគមន៍ក្រុមទី៤នៃអាជ្ញាធរជាតិអប្សរាបានយកទៅជូនប្រជាពលរដ្ឋតាមសំណូមពរ ដើម្បីជួសជុលសាលាឆទាន នៅភូមិតាប៉ាង សង្កាត់អំពិល ក្រុងសៀមរាប។
ស្ពានបេតុងទទឹង៣,៥ម៉ែត្រ និងបណ្តោយ២៥ម៉ែត្រ ដែលជាសំណូមពរបស់ប្រជាពលរដ្ឋ និងអាជ្ញាធរភូមិពាម ឃុំដូនកែវ ស្រុកពួក ស្នើសុំឲ្យអាជ្ញាធរជាតិអប្សរាជួយសាងសង់នោះ បច្ចុប្បន្នសម្រេចបាន៩៩% និងអាចធ្វើដំណើឆ្លងកាត់បានហើយ។
ឯកឧត្តម ហង់ ពៅ អគ្គនាយករងអាជ្ញាធរជាតិអប្សរា និងជាប្រធានក្រុមការងារសហគមន៍ប្រចាំស្រុកអង្គរធំ បានជំរុញឲ្យបងប្អូនប្រជាពលរដ្ឋចេះស្រឡាញ់ និងចូលរួមថែរក្សា បេតិកភណ្ឌ ពិភពលោកអង្គរ ដែលជាសម្បត្តិវប្បធម៌ដ៏មានតម្លៃរបស់មនុស្សជាតិ មិនអាចកាត់ថ្លៃបាន ដែលដូនតាខ្មែរបានបន្សល់ទុកឲ្យ។ ការជំរុញនេះ ធ្វើឡើងនៅក្នុងឱកាសជួបសំណេះសំណាលជាមួយប្រជាពលរដ្ឋនៅភូមិព្រះគោថ្មី ឃុំស្វាយចេក ស្រុកអង្គរធំ កាលពីព្រឹកថ្ងៃទី២៦ ខែតុលា ឆ្នាំ២០១៥។

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
2
ថ្ងៃនេះ
:
13192
ម្សិលមិញ
:
22718
សប្តាហ៍នេះ
:
35910
ខែនេះ
:
0316739
សរុប
:
010272886