ព័ត៌មានថ្មីៗ

វីដេអូ ៖ ក្រមប្រតិបត្តិអង្គរ

បានផ្សាយនៅ ថ្ងៃទី 04 ខែ ធ្នូ ឆ្នាំ2015 12:54 PM ដោយ ៖ អាជ្ញាធរជាតិអប្សរា
ក្រមប្រតិបត្តិអង្គរ ត្រូវបានផ្សព្វផ្សាយ និងដាក់ឱ្យអនុវត្ត ក្រោមអធិបតីភាពដ៏ខ្ពង់ខ្ពស់របស់ ឯឧត្តមបណ្ឌិតសភាចារ្យ សុខ អាន ឧបនាយករដ្ឋមន្រ្តី រដ្ឋមន្រ្តីទទួលបន្ទុកទីស្តីការគណៈរដ្ឋមន្រ្តី និងជាប្រធានអាជ្ញាធរជាតិអប្សរា នៅថ្ងៃទី ០៤ ខែធ្នូ ឆ្នាំ២០១៥។

តើអ្វីទៅជា «ក្រមប្រតិបត្តិអង្គរ»?

«ក្រមប្រតិបត្តិអង្គរ» គឺជាសេចក្តីណែនាំដល់ភ្ញៀវទេសចរ ដែលមកទស្សនារមណីយដ្ឋានអង្គរឲ្យ យល់ពីគុណតម្លៃនៃតំបន់អង្គរ គោរពនិងប្រកាន់នូវអាកប្បកិរិយាសមរម្យ ក្នុងអំឡុងពេលទស្សនាប្រាសាទ ដើម្បីរួមចំណែកកាត់បន្ថយផលប៉ះពាល់អវិជ្ជមានលើអង្គរ (ប្រាសាទ វប្បធម៌ និងបរិស្ថាន) និងទទួលបាននូវបទពិសោធន៍ទស្សនាដ៏ល្អប្រសើរ។

«ក្រមប្រតិបត្តិអង្គរ» មិនមែនជាច្បាប់ដែលមានលក្ខណៈបង្ខិតបង្ខំនោះទេ។ ផ្ទុយទៅវិញ «ក្រមប្រតិបត្តិអង្គរ» មានលក្ខណៈជាការអប់រំដល់ភ្ញៀវទេសចរជាតិនិងអន្តរជាតិ ដោយជំរុញលើកទឹកចិត្តឲ្យភ្ញៀវទេសចរយល់ និងជៀសវាងនូវរាល់ទង្វើមិនគួរគប្បីដែលមិនគោរពទៅដល់ទីសក្ការបូជា និងវប្បធម៌ខ្មែរដូចជា៖ ការស្លៀកពាក់ស៊ិចស៊ី ការប៉ះចម្លាក់ឬធ្វើឲ្យខូចខាតថ្មប្រាសាទ ការរំខានដល់ភាពស្ងប់ស្ងាត់នៃទីសក្ការបូជា ការចូលទីតាំងដែលហាមឃាត់ឬប្រឈមនឹងគ្រោះថ្នាក់ ការពិសាបារីនិងចោលសំរាមពាសវាលពាសកាល ការឲ្យថវិកាឬស្ករគ្រាប់ដល់ក្មេងៗ និងការប៉ះពាល់ ព្រះសង្ឃ។

សូមទស្សនាវីដេអូខាងក្រោម៖

ក្រុមការងារសហគមន៍ប្រចាំស្រុកបន្ទាយស្រី នៅព្រឹកថ្ងៃទី០៦ ខែវិច្ឆិកា ឆ្នាំ២០១៥នេះ បាននាំយកស៊ីម៉ង់ត៍ចំនួន៦តោន ទៅប្រគេនព្រះសង្ឃនៅវត្តរុន និងវត្តភ្នំបូក ដែលស្ថិតនៅក្នុងឃុំរុនតាឯក ស្រុកបន្ទាយស្រី ដើម្បីរួមចំណែកកសាងសំណង់នានាក្នុងវត្ត។
វត្តប្រាសាទបាគងជាវត្តបុរាណមួយ ដែលមានអាយុកាលរាប់រយឆ្នាំមកហើយ ស្ថិតនៅភូមិឪឡោក ឃុំបាគង ស្រុកប្រាសាទបាគង និងមានចម្ងាយប្រហែល១៣គីឡូម៉ែត្រ ស្ថិតនៅភាគខាងកើតក្រុងសៀមរាបបច្ចុប្បន្ន។ ប្រាសាទបាគងដែលជាកេរមត៌កដូនតា ត្រូវបានកសាងឡើងក្នុងសតវត្សទី៩ ដោយព្រះបាទ ឥន្ទ្រវរ្ម័នទី១ ដើម្បីឧទ្ទិសថ្វាយព្រះឥសូរ (ប៉ុន្តែទ្រង់ទ្រាយប្រាសាទដែលយើងឃើញសព្វថ្ងៃ គឺជារូបភាពក្រោយការជួសជុលនៅសតវត្សទី១២ មានរចនាប័ទ្មអង្គរវត្ត ឧទ្ទិសថ្វាយព្រះនារាយណ៍)។ ប្រាសាទនេះ ស្ថិតស្ថេរគង់វង្សបាន រហូតដល់សព្វថ្ងៃ ដោយសារ បងប្អូនប្រជាពលរដ្ឋ ព្រះសង្ឃរួបរួមថែទាំរក្សាទាំងអស់គ្នា។
អាជ្ញាធរជាតិអប្សរា សូមជម្រាបជូនសាធារណជន ជាតិនិងអន្តរជាតិមេត្តាជ្រាបថា ចំណូលដែលបានពីការលក់ប័ណ្ណចូលទស្សនារមណីយដ្ឋានអង្គរប្រចាំខែតុលា និង១០ខែឆ្នាំ២០១៥ មានដូចខាងក្រោម៖
ចម្លាក់ស្បែកត្រូវបានបុព្វបុរសខ្មែរ ឆ្លាក់ឡើងដើម្បីសម្តែងក្នុងវង់ល្ខោនស្រមោលស្បែកធំ និងល្ខោនស្បែកតូច ឬអាយ៉ង ដែលមានអាយុកាលតាំងពីមុនសម័យអង្គរទៅទៀត។ បើទោះជាការសម្តែងល្ខោនប្រភេទនេះ មានការថយចុះតាំងពីក្រោយសម័យអង្គរ និងស្ទើរតែបាត់បង់ក្នុងសម័យ ប៉ុល ពត ក៏ដោយ ក៏ចម្លាក់ស្បែកនៅតែត្រូវបានបុព្វបុរសថែរក្សាមកជាបន្តបន្ទាប់ ក្នុងឋានៈជាកេរមរតកវប្បធម៌របស់ខ្មែរ។ នៅឆ្នាំ២០០៥ ល្ខោនស្បែកធំត្រូវបានចុះបញ្ជីនៅអង្គការយូនីស្កូជាបេតិកភណ្ឌនិទាននិងអរូបី របស់មនុស្សជាតិ។
ការផ្តល់អត្តសញ្ញាណឲ្យរូបចម្លាក់ ដោយកំណត់មាឌ ទំហំ អាយុកាល រចនាប័ទ្ម ប្រវត្តិសង្ខេបនៃចម្លាក់ ។ល។ ទាំងនេះជាការងារចុះបញ្ជីសារពើភ័ណ្ឌទៅលើចម្លាក់បុរាណ។ នេះជាសេចក្តីពន្យល់សង្ខេបដោយលោក ភឹង តារា អ្នកជំនាញផ្នែកចុះបញ្ជីសារពើភ័ណ្ឌ នៃនាយកដ្ឋានអភិរក្សប្រាសាទក្នុងឧទ្យានអង្គរ និងបុរាណវិទ្យាបង្ការនៃអាជ្ញាធរជាតិអប្សរា នៅព្រឹកថ្ងៃទី២១ ខែតុលា ឆ្នាំ២០១៥ នៅប្រាសាទបាយ័ន ជាទីដែលលោក និងក្រុមការងារកំពុងបំពេញការងារនេះ។

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
6
ថ្ងៃនេះ
:
1680
ម្សិលមិញ
:
5500
សប្តាហ៍នេះ
:
01680
ខែនេះ
:
0228544
សរុប
:
012054175