ព័ត៌មានថ្មីៗ

អាជ្ញាធរជាតិអប្សរារួមចំណែកកសាងវត្តក្នុងតំបន់អង្គរ

បានផ្សាយនៅ ថ្ងៃទី 06 ខែ វិច្ឆិកា ឆ្នាំ2015 02:27 PM ដោយ ៖ អាជ្ញាធរជាតិអប្សរា

ក្រុមការងារសហគមន៍ប្រចាំស្រុកបន្ទាយស្រី នៅព្រឹកថ្ងៃទី០៦ ខែវិច្ឆិកា ឆ្នាំ២០១៥នេះ បាននាំយកស៊ីម៉ង់ត៍ចំនួន៦តោន ទៅប្រគេនព្រះសង្ឃនៅវត្តរុន និងវត្តភ្នំបូក ដែលស្ថិតនៅក្នុងឃុំរុនតាឯក ស្រុកបន្ទាយស្រី ដើម្បីរួមចំណែកកសាងសំណង់នានាក្នុងវត្ត។

ពិធីប្រគេនស៊ីម៉ង់ត៍នៅព្រឹកមិញនេះ ធ្វើឡើងស្របទៅតាមសំណើសុំបិណ្ឌបាតរបស់ព្រះសង្ឃ ដែលកំពុងតែកសាងសេនាសនៈក្នុងវត្ត ហើយខ្វះខាតសម្ភារៈក្នុងការកសាងបន្ត។ មានប្រសាសន៍សំណេះសំណាលជាមួយព្រះសង្ឃក្នុងវត្ត ឯកឧត្តម ម៉ី ម៉ារ៉ាឌី ប្រធានក្រុមការងារសហគមន៍ប្រចាំស្រុកបន្ទាយស្រី បញ្ជាក់ថា អាជ្ញាធរជាតិអប្សរាមិនត្រឹមតែយកចិត្តទុកដាក់ក្នុងកិច្ចការអភិរក្សប្រាសាទ និងបេតិកភណ្ឌនានាប៉ុណ្ណោះទេ តែវត្តអារាម ក៏ជាបេតិកភណ្ឌវប្បធម៌ ដែលអាជ្ញាធរតែងយកចិត្តទុកដាក់បំផុតផងដែរ។ ព្រោះហេតុដូច្នេះហើយ ទើបក្រុមការងារសហគមន៍នៃអាជ្ញាធរជាតិអប្សរាតែងតែចូលរួមជាប់មិនដាច់ ជាមួយកម្មវិធីបុណ្យទានរបស់វត្ត ដូចជាពិធីកាន់បិណ្ឌ ពិធីបុណ្យកឋិនទានជាដើម។

ជាការសំណូមពរ ឯកឧត្តមបានសុំព្រះសង្ឃចូលរួមក្នុងកិច្ចការអភិរក្សប្រាសាទ ក៏ដូចជាជាសម្បត្តិបេតិកភណ្ឌនានារបស់បុព្វបុរសខ្មែរ ជាពិសេស គឺបេតិកភណ្ឌអរូបី។ ការចូលរួមរបស់ព្រះសង្ឃ អាចធ្វើឡើងតាមរយៈការសម្តែងធម៌ ពន្យល់ពុទ្ធបរិស័ទឲ្យបានយល់ពីតម្លៃវប្បធម៌ ដើម្បីឲ្យពួកគាត់ស្រឡាញ់ និងចូលរួមថែរក្សាទាំងអស់គ្នា។

នៅព្រឹកថ្ងៃដដែលនេះដែរ ក្រុមការងារសហគមន៍ប្រចាំស្រុកបន្ទាយស្រី ក៏បាននាំយកអំណោយកញ្ចប់ឃីតទារក របស់ឯកឧត្តមបណ្ឌិតសភាចារ្យ សុខ អាន ឧបនាយករដ្ឋមន្ត្រី រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី និងជាប្រធានអាជ្ញាធរជាតិអប្សរា ទៅជូនស្ត្រីដែលទើបសម្រាលកូន នៅភូមិសាលាក្រវ៉ាន់ ឃុំរំចេក ស្រុកបន្ទាយស្រីមួយគ្រួសារផងដែរ៕





លោកស្រី Gillian Green អ្នកជំនាញជនជាតិអូស្ត្រាលី ផ្នែកវាយនភណ្ឌប្រពៃណី និងជាសមាជិកកិត្តិយសនាយកដ្ឋានប្រតិបត្តិសិល្បៈនៃសាកលវិទ្យាល័យស៊ីដនី ព្រមទាំងជាប្រធានសមាគមសិល្បៈអាស៊ីអូស្ត្រាលី (TAASA) បានយកអំណោយផ្ទាល់ខ្លួនជាសម្ភារៈនិងឧបករណ៍តម្បាញនៃប្រទេសក្នុងតំបន់មេគង្គ ដែលសន្សំបានពីការស្រាវជ្រាវជាយូរឆ្នាំមកហើយ ជូនសារមន្ទីរវាយនភណ្ឌប្រពៃណីអាស៊ីនាព្រឹកថ្ងៃទី១០ ខែមីនា ឆ្នាំ២០១៦។ អំណោយទាំងអស់រួមមានសម្ភារ:សរុបចំនួន៤០ ហើយបែងចែកជា៩មុខ ដួចជា៖ ១- រ៉ក ២- ត្រាក់តម្បាញមួយគូ ៣- ក្តារត្រដក់មួយគូនិងមួយចំហៀង ៤- ជើងដាច់មួយគូនិងមួយចំហៀង ៥- ឈើអន្ទងមួយគូ ៦- ប្រាំង ៧- ឧបករណ៍ស្រាវសូត្រមួយសម្រាប់ ៨- ត្រល់ ៩- ឧបករណ៍កិនផ្លែកប្បាស។ ឧបករណ៍ទាំងនេះធ្វើឡើងពីឈើ ឫស្សី ដែលជាចំណែកផ្សេងៗនៃកីតម្បាញ សម្រាប់ដំណើការត្បាញ មានប្រភពមកពីប្រទេសកម្ពុជា ប្រទេសថៃ និងប្រទេសមីយ៉ាន់មា ហើយមានអាយុកាលមិនក្រោមពី៥០ឆ្នាំឡើយ។
នៅពីមុខប្រាសាទអង្គរវត្ត ដែលជាបេតិកភណ្ឌពិភពលោកដ៏ល្បីល្បាញរបស់កម្ពុជា នាព្រឹកថ្ងៃទី០២ ខែមីនា ឆ្នាំ២០១៦ អាជ្ញាធរជាតិអប្សរាបានរៀបចំទិវាវប្បធម៌ជាតិ ០៣ មីនា លើកទី១៨ ដោយមានការអញ្ជើញចូលរួមពីសំណាក់ថ្នាក់ដឹកនាំ ស្ថាប័នពាក់ព័ន្ធ មន្ត្រីបុគ្គលិក ឆ្មាំ កម្មករ និងសិស្ស និស្សិតយ៉ាងច្រើនកុះករ។
សក្តានុពលទេសចរណ៍នៅខេត្តសៀមរាប គឺទេសចរណ៍វប្បធម៌ ដែលក្រៅពីប្រាង្គប្រាសាទដ៏ល្បីល្បាញជាច្រើនហើយនោះ ជំនឿក៏ជាដួងព្រលឹងដែលមានជីវិតរស់រវើកនិងមានឥទ្ធិពលក្នុងផ្នត់គំនិតរបស់អ្នកស្រុកអង្គរ ហើយត្រូវបានគោរពបូជានិងជឿជាក់យ៉ាងមុតមាំទៀតផង។
ពិធីលៀងមេមត់នៅភូមិក្រវ៉ាន់
( ថ្ងៃទី 24 ខែ កុម្ភៈ ឆ្នាំ2016 )
ជារឿងកម្រសម្រាប់មនុស្សសម័យថ្មីដែលបានគិតគូរ និងជឿស៊ប់លើជំនឿ មូលហេតុដោយសារតែវិទ្យាសាស្ត្រជឿនលឿនខ្លាំង។ ការមិនស្គាល់ពីតម្លៃ និងយកចិត្តទុកដាក់របស់កូនខ្មែរភាគច្រើន បូករួមនឹងការហូរចូលវប្បធម៌បរទេសផងនោះ បានធ្វើឱ្យទំនៀមទម្លាប់មួយចំនួន ដែលជាកេរមរតកដូនតាបន្សល់ទុករាប់សតវត្សមកហើយត្រូវបាត់បង់ម្តងបន្តិចៗ។
ស្វែងយល់ខ្លឹមសារពិធីបុណ្យមាឃបូជា
( ថ្ងៃទី 23 ខែ កុម្ភៈ ឆ្នាំ2016 )
បណ្តាពិធីបុណ្យសំខាន់ៗរបស់ព្រះពុទ្ធសាសនា មាឃបូជា គឺជាពិធីបុណ្យមួយដែលពុទ្ធសាសនិកជនគ្រប់ប្រទេស អ្នកកាន់ព្រះពុទ្ធសាសនាតែងប្រារព្ធធ្វើជារៀងរាល់ឆ្នាំ មិនដែលខកខាន។ ពិធីបុណ្យនេះប្រារព្ធឡើងជារៀងរាល់ថ្ងៃ១៥កើត ខែមាឃ ដើម្បីរំឭកទៅដល់ព្រឹត្តិការណ៍ដ៏សំខាន់ ២ ចំណុចដែលបានកើតឡើង នៅក្នុងពេលដែលព្រះពុទ្ធជាម្ចាស់ ទ្រង់ព្រះធរមាននៅឡើយ។ ព្រឹត្តិការណ៍សំខាន់ទី១ គឺពេលដែលព្រះអង្គទ្រង់ប្រជុំព្រះភិក្ខុសង្ឃចំនួន ១២៥០អង្គ ជាការប្រជុំលើកដំបូង ដើម្បីប្រកាសនូវគោលការណ៍មូលដ្ឋាននៃសាសនា ដែលហៅថា ឱវាទបាតិមោក្ខ។ ខ្លឹមសារសង្ខេបនៃឱវាទបាតិមោក្ខនោះមាន៣គាថាគឺ៖

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
15
ថ្ងៃនេះ
:
3448
ម្សិលមិញ
:
61021
សប្តាហ៍នេះ
:
144067
ខែនេះ
:
0447575
សរុប
:
014890416