ព័ត៌មានថ្មីៗ

មុខរបរលក់ចម្លាក់ស្បែក និងការថែរក្សាមរតកវប្បធម៌ខ្មែរ

បានផ្សាយនៅ ថ្ងៃទី 02 ខែ វិច្ឆិកា ឆ្នាំ2015 12:49 PM ដោយ ៖ អាជ្ញាធរជាតិអប្សរា

ចម្លាក់ស្បែកត្រូវបានបុព្វបុរសខ្មែរ ឆ្លាក់ឡើងដើម្បីសម្តែងក្នុងវង់ល្ខោនស្រមោលស្បែកធំ និងល្ខោនស្បែកតូច ឬអាយ៉ង ដែលមានអាយុកាលតាំងពីមុនសម័យអង្គរទៅទៀត។ បើទោះជាការសម្តែងល្ខោនប្រភេទនេះ មានការថយចុះតាំងពីក្រោយសម័យអង្គរ និងស្ទើរតែបាត់បង់ក្នុងសម័យ ប៉ុល ពត ក៏ដោយ ក៏ចម្លាក់ស្បែកនៅតែត្រូវបានបុព្វបុរសថែរក្សាមកជាបន្តបន្ទាប់ ក្នុងឋានៈជាកេរមរតកវប្បធម៌របស់ខ្មែរ។ នៅឆ្នាំ២០០៥ ល្ខោនស្បែកធំត្រូវបានចុះបញ្ជីនៅអង្គការយូនីស្កូជាបេតិកភណ្ឌនិទាននិងអរូបី របស់មនុស្សជាតិ។

សព្វថ្ងៃ អ្នកដែលចេះឆ្លាក់ចម្លាក់ស្បែកមានតិចតួចប៉ុណ្ណោះ។ តែក៏មានអ្នកខ្លះពេញចិត្តនឹងការងារនេះ រហូតជ្រើសរើសជាមុខរបរចិញ្ចឹមជីវិតទៀតផង។ ជាក់ស្តែង លោក ញីវ បូរ៉ា ជាងចម្លាក់ស្បែកវ័យក្មេង នៅមុខប្រាសាទព្រះខ័ន ដែលបានបើកលក់ចម្លាក់ស្បែកដោយខ្លួនឯង បានរៀបរាប់ដោយមោទនភាពថា ខ្ញុំគិតថាខ្លួនឯងមានសំណាងណាស់ ដែលបានចេះជំនាញឆ្លាក់ស្បែក ព្រោះមិនត្រឹមតែបានទាំងលើកស្ទួយមរតករបស់ខ្មែរទេ តែក៏បានផ្តល់ការងារសម្របា់ខ្លួនឯង និងបានកម្រៃបានគួរសមក្នុងការរស់នៅ។ ចម្លាក់ស្បែកមួយផ្ទាំងលក់អាចបានតម្លៃពី២០ទៅ១០០ដុល្លារ តាមរូបតូចឬធំ ដោយក្នុងរូបមួយចំណាយពេលគូរនិងឆ្លាក់មួយថ្ងៃទៅពីរថ្ងៃជាងតាមទំហំរូប។

ចម្លាក់ស្បែកត្រូវបានប្រជាជនខ្មែរ និងបរទេស ទិញយកទៅធ្វើជាគ្រឿងរចនាលម្អគេហដ្ឋាន សណ្ឋាគារ ការិយាល័យ និងធ្វើវត្ថុអនុស្សាវរីយ៍ដ៏ល្អទៀតផង ពិសេសក៏ជាមុខរបរមួយដែលជួយលើកស្ទួយជីវភាពបានយ៉ាងល្អប្រសើរ៕






ជារៀងរាល់ឆ្នាំឱ្យតែដល់ថ្ងៃពេញបូណ៌ ខែបុស្ស អ្នកភូមិនគរក្រៅ សង្កាត់គោកចក ក្រុងសៀមរាប ខេត្តសៀមរាប ស្ទើរគ្រប់ផ្ទះតែងនាំគ្នាដុតក្រឡាន វេចនំអន្សមផ្អាវ អន្សមក្បុង ដើម្បីយកទៅចូលរួមក្នុងពិធីប្លុងក្រឡាននាពេលយប់ នៅសាលាឆទានឬវត្តអារាម។
វត្តព្រះស្នេហាបរិច្ឆត្តព្រឹក្ស ហៅវត្តរលួស ស្ថិតនៅភូមិរលួស ឃុំរលួស ស្រុកប្រាសាទបាគង ខេត្តសៀមរាប និងជាវត្តដែលមានអាយុកាលយូរលង់ដែរហើយ។ ដោយការវិវត្តនៃសម័យកាល ធ្វើឲ្យព្រះវិហារដ៏ល្អមួយ មានភាពទ្រុឌទ្រោមដោយច្រើនអន្លើ តែពុំទាន់មានការជួសជុលកែលម្អឡើងវិញនៅឡើយ។ មិនត្រឹមតែព្រះវិហារដែលទ្រុឌទ្រោម និងប្រែប្រួលទៅតាមកាលវេលាប៉ុណ្ណោះទេ រីឯចំនួនព្រះសង្ឃ និងការសិក្សាសាលាពុទ្ធិកបឋមសិក្សាក្នុងវត្ត ក៏មានការប្រែប្រួលទៅតាមសម័យកាលផងដែរ ។
ការប្រារព្ធពិធីតាមជំនឿសាសនានៅពេលមានមនុស្សស្លាប់នៅតាមបណ្តាខេត្តក្រុងនៃព្រះរាជាណាចក្រកម្ពុជាតែងតែមានជាទូទៅ ប៉ុន្តែជំនឿក្នុងការយកធ្យូងមកគូសសញ្ញាជើងក្អែកនៅ លើចិញ្ចើមក្មេងនៅក្នុងភូមិ ពេលឃើញគេហែសពនិងបានឮដំណឹងថាមានអ្នកស្លាប់ ត្រូវបានប្រ ទះឃើញនៅក្នុងខេត្តសៀមរាបជាច្រើនកន្លែង តែទំនៀមនេះមានការថមថយបន្ដិចជាងសម័យមុន។

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
8
ថ្ងៃនេះ
:
3203
ម្សិលមិញ
:
7526
សប្តាហ៍នេះ
:
10729
ខែនេះ
:
0105408
សរុប
:
012874840