ព័ត៌មានថ្មីៗ

អាជ្ញាធរជាតិអប្សរានឹងកំណត់ព្រំប្រទល់ប្រាសាទសំពៅឲ្យបានឆាប់ ដើម្បីការពារឈ្មួញជីកកាយដីជុំវិញប្រាសាទ

បានផ្សាយនៅ ថ្ងៃទី 26 ខែ តុលា ឆ្នាំ2015 03:47 PM ដោយ ៖ អាជ្ញាធរជាតិអប្សរា

ឯកឧត្តម ហង់ ពៅ អគ្គនាយករងអាជ្ញាធរជាតិអប្សរា និងជាប្រធានក្រុមការងារសហគមន៍ប្រចាំស្រុកអង្គរធំ បានជំរុញឲ្យបងប្អូនប្រជាពលរដ្ឋចេះស្រឡាញ់ និងចូលរួមថែរក្សា បេតិកភណ្ឌ ពិភពលោកអង្គរ ដែលជាសម្បត្តិវប្បធម៌ដ៏មានតម្លៃរបស់មនុស្សជាតិ មិនអាចកាត់ថ្លៃបាន ដែលដូនតាខ្មែរបានបន្សល់ទុកឲ្យ។ ការជំរុញនេះ ធ្វើឡើងនៅក្នុងឱកាសជួបសំណេះសំណាលជាមួយប្រជាពលរដ្ឋនៅភូមិព្រះគោថ្មី ឃុំស្វាយចេក ស្រុកអង្គរធំ កាលពីព្រឹកថ្ងៃទី២៦ ខែតុលា ឆ្នាំ២០១៥។

លោក ឈួន ឯម មេឃុំស្វាយចេក បានសម្តែងការគាំទ្រចំពោះសកម្មភាពការពារ គ្រប់គ្រង អភិរក្ស និងអភិវឌ្ឍន៍របស់អាជ្ញាធរជាតិអប្សរាក្នុងឧទ្យានអង្គរ ហើយលោកក៏បានសំណូមពរឲ្យបងប្អូនប្រជាពលរដ្ឋចូលរួមសហការជាមួយអាជ្ញាធរជាតិអប្សរា ដើម្បីថែរក្សា ការពារប្រាសាទបុរាណខ្មែរឲ្យបានគង់វង្ស។ ជាមួយគ្នានេះដែរ ប្រជាពលរដ្ឋក៏បានសំណូមពរឲ្យអាជ្ញាធរជាតិអប្សរាចុះសិក្សា និងកំណត់ព្រំប្រាសាទសំពៅ ដែលស្ថិតនៅក្នុងឃុំស្វាយចេកឲ្យបានឆាប់រហ័ស ព្រោះពួកគាត់បារម្ភខ្លាចមានឈ្មួញទិញដីជីកកាយលក់បណ្តាលឲ្យប៉ះពាល់ដល់ប្រាសាទ។

ជាការឆ្លើយតប ឯកឧត្តម ហង់ ពៅ បញ្ជាក់ថា ក្រុមការងារនឹងទទួលយកសំណើនេះទៅជូនថ្នាក់ដឹកនាំសម្រេច ដើម្បីចាត់ក្រុមនៃនាយកដ្ឋានជំនាញចុះមកពិនិត្យ និងធ្វើការកំណត់ព្រំប្រាសាទឲ្យបានឆាប់បំផុត ក្នុងគោលបំណងការពារមរតកដូនតាឲ្យបានល្អប្រសើរ។

អ្នកជំនាញបុរាណវិទ្យា និងជាប្រធានក្រុមការងារស្រាវជ្រាវផ្លូវបុរាណ នៃអាជ្ញាធរជាតិអប្សរា លោក អ៊ឹម សុខរិទ្ធី បញ្ជាក់ថា ប្រាសាទសំពៅជាប្រភេទសាលាសំណាក់ ដែលកសាងឡើងក្នុងរាជ្យព្រះបាទជ័យវរ្ម័នទី៧។ នេះជាសាលាសំណាក់មួយក្នុងចំណោម១៧ តាមបណ្តោយផ្លូវបុរាណពីអង្គរទៅក្រុងភិម័យប្រទេសថៃ ដែលមានចារក្នុងសិលាចារឹកប្រាសាទព្រះខ័ន។ ផ្លូវបុរាណនេះ នៅខាងកើតប្រាសាទសំពៅប្រហែល១០០ម៉ែត្រ ឬ២០០ម៉ែត្រ។ ម្យ៉ាងទៀត នៅភាគខាងជើងនៃប្រាសាទនេះ ក៏មានស្ពានបុរាណមួយដែរ។ នេះជាអ្វីដែលអ្នកជំនាញត្រូវតែគិត នៅពេលដែលត្រូវកំណត់ព្រំប្រាសាទនោះ ព្រោះមិនមែនមានតែប្រាសាទទេ គឺនៅមានស្ពានបុរាណ និងផ្លូវបុរាណផង៕







ក្រុមការងារសហគមន៍ប្រចាំស្រុកប្រាសាទបាគងដឹកនាំដោយ ឯកឧត្តម សុខ លក្ខិណា ទីប្រឹក្សាអាជ្ញាធរជាតិអប្សរា និងជាប្រធានក្រុមការងារសហគមន៍ប្រចាំស្រុកប្រាសាទបាគង បានចុះពិនិត្យ លទ្ធភាពជាក់ស្តែងការជួសជុលទំនប់ទឹកប្រវែង ១៦ម x ១២ម ជម្រៅ ៧ម ដែលបានដាច់ខូចខាតកាលពីឆ្នាំ២០១៣ ដោយគ្រោះទឹកជំនន់។ ការចុះពិនិត្យនេះប្រព្រឹត្តទៅកាលពីថ្ងៃទី០៥ ខែមេសា ឆ្នាំ២០១៦ ដោយមានការចូលរួមពីនាយកដ្ឋានជំនាញពាក់ព័ន្ធនានានៃអាជ្ញាធរជាតិអប្សរា និងលោក ស៊ត់ ដន ជាមេភូមិត្រាច តំណាងឱ្យប្រជាពលរដ្ឋ។
ប្រជាពលរដ្ឋពីរគ្រួសារដែលមានផ្ទះនៅជាប់គ្នា ស្ថិតនៅក្នុងភូមិតាស្នេហ៍ ឃុំដូនកែវ ស្រុកពួក ដែលរងគ្រោះដោយសារភ្លើងឆាបឆេះផ្ទះ បានទទួលអំណោយសង្គ្រោះបឋមរបស់ឯកឧត្តមបណ្ឌិតសភាចារ្យ សុខ អាន ឧបនាយកដ្ឋមន្ត្រី រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី និងជាប្រធានអាជ្ញាធរជាតិអប្សរា។
ក្រុមការងារសហគមន៍ទី១ នៃអាជ្ញាធរជាតិអប្សរាប្រចាំស្រុកប្រាសាទបាគង នៅព្រឹកថ្ងៃទី២៩ខែមីនាឆ្នាំ២០១៦នេះបាននាំយកនូវសម្ភារៈ និងគ្រឿងបរិភោគមួយចំនួន ដែលជាអំណោយដ៏ថ្លៃថ្លារបស់ឯកឧត្តមបណ្ឌិតសភាចារ្យ សុខ អាន ឧបនាយករដ្ឋមន្ត្រី រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី និងជាប្រធានអាជ្ញាធរជាតិអប្សរា និងលោកជំទាវ ទៅចែកជូនគ្រួសារដែលរងគ្រោះដោយអគ្គិភ័យ ភ្លើងឆេះផ្ទះស្ថិតនៅក្នុងភូមិស្ទឹង ឃុំបាគង ស្រុកប្រាសាទបាគង ខេត្តសៀមរាប។
ក្រុមការងារសហគមន៍ក្រុមទី១របស់អាជ្ញាធរជាតិអប្សរា ប្រចាំក្រុងសៀមរាប កាលពីព្រឹក ថ្ងៃទី២៤ ខែមីនា ឆ្នាំ២០១៦ បានបន្តចុះដោះស្រាយបញ្ហារបស់ប្រជាពលរដ្ឋ ដែលបានស្នើសុំជួសជុលផ្ទះ ធ្វើបង្គន់ និងសាងសង់សំណង់ចាំបាច់ផ្សេងៗ របស់ពួកគាត់ ព្រមទាំងសុំជួសជុលផ្លូវក្នុងភូមិជាដើម។ល។
អំណោយជាសម្ភារៈប្រើប្រាស់រួមទាំងអង្ករចំនួន៥គីឡូក្រាម ដែលផ្តល់ជូនដោយអង្គការសប្បុរសធម៌ជប៉ុន ក្តីសង្ឃឹមនៃកម្ពុជា (Hope of Cambodia) ត្រូវបានចែកជូនដល់ប្រជាពលរដ្ឋចំនួន២៦០ គ្រួសារ មកពីភូមិចំនួន១០ ក្នុងឃុំលាងដៃ និងឃុំស្វាយចេក ស្រុកអង្ករធំ នៅព្រឹកថ្ងៃទី១៧ ខែកុម្ភៈឆ្នាំ២០១៦។
ដើមដំបូងមុន123456បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
5
ថ្ងៃនេះ
:
0745
ម្សិលមិញ
:
5272
សប្តាហ៍នេះ
:
15779
ខែនេះ
:
0064252
សរុប
:
009437528