ព័ត៌មានថ្មីៗ

ស្ពានឈើបណ្តោះអាសន្នពីរកន្លែងនៅភូមិរហាលត្រូវបានសាងសង់ឡើងដើម្បីសម្រួលចរាចររបស់ប្រជាពលរដ្ឋ

បានផ្សាយនៅ ថ្ងៃទី 22 ខែ តុលា ឆ្នាំ2015 09:28 AM ដោយ ៖ អាជ្ញាធរជាតិអប្សរា
ស្ពានឈើបណ្តោះអាសន្នពីរកន្លែងនៅភូមិ រហាល ឃុំដូនកែវ ស្រុកពួក ខេត្តសៀមរាប ត្រូវបាននាយដ្ឋានគ្រប់គ្រងទឹក នៃអាជ្ញាធរជាតិអប្សរាសាងសង់ឡើង ដើម្បីសម្រួលចរាចររបស់ប្រជាពលរដ្ឋ បន្ទាប់ពីបានកាយបណ្តោះទឹកជំនន់ ដែលលិចភូមិ និងផ្លូវ កាលពីមុនភ្ជុំបិណ្ឌកន្លងមក។

លោក មាន់ ផានិត បុគ្គលិកជំនាញនៃនាយកដ្ឋានគ្រប់គ្រងទឹក បានឲ្យដឹងកាលពីរសៀលថ្ងៃទី២១ ខែតុលា ឆ្នាំ២០១៥នេះថា រដូវវស្សាកន្លងទៅភ្លៀវធ្លាក់ជាប់គ្នាច្រើនថ្ងៃ បានបណ្តាលឲ្យទឹកជន់លិចភូមិ និងផ្លូវ ទើបក្រុមការងារកាយទម្លាយផ្លូវពីរកន្លែងភ្លាមៗ ដើម្បីរំដោះទឹកចេញ បញ្ជៀសការប៉ះពាល់ខូចខាតដល់ទ្រព្យសម្បត្តិ និងផ្ទះសម្បែងរបស់ប្រជាពលរដ្ឋ។

ជាមួយគ្នានេះដែរ ដើម្បីសម្រួលការធ្វើចរាចររបស់ប្រជាពលរដ្ឋ ក្រុមការងារបានធ្វើស្ពានឈើបណ្តោះអាសន្នមួយកន្លែងភ្លាមៗ នៅត្រង់ទីតាំងផ្លូវចូលភូមិ ដែលជាផ្លូវសំខាន់សម្រាប់ប្រជាជនមានទទឹង៣ម៉ែត្រ និងបណ្តោយ១២ម៉ែត្រ។ ការងារនេះបានបញ្ចប់រួចរាល់នៅមុនពិធីបុណ្យភ្ជុំបិណ្ឌ។

បច្ចុប្បន្ន ក្រុមការងារកំពុងតែចាប់ផ្តើមសាងសង់ស្ពានឈើទីពីរបន្តទៀត ដែលមានទទឹង១,៥ម៉ត្រ និងបណ្តោយ១២ម៉ែត្រ មានទំហំតូចជាងស្ពានទីមួយដោយសារតែផ្លូវនេះ មិនសូវមានការធ្វើចរាចរច្រើន និងជាផ្លូវដែលមានតែកង់ និងម៉ូតូឆ្លងកាត់ មិនមានឡានឆ្លងកាត់ឡើយ៕







នាយកដ្ឋានគ្រប់គ្រងទឹកនៃអាជ្ញាធរជាតិអប្សរា សហការជាមួយអាជ្ញាធរភូមិឃុំដែលស្ថិតនៅក្នុងឃុំ-សង្កាត់ចំនួន៧ ក្នុងស្រុកពួក និងក្រុងសៀមរាប បានចុះវាស់វែងដីកសិកម្មនៃសហគមន៍ដែលប្រើប្រាស់ទឹកបារាយណ៍ទឹកថ្លា ដើម្បីងាយស្រួលដល់ការងារគ្រប់គ្រងទឹក និងរៀបចំប្រព័ន្ធផ្លូវទឹកឲ្យបានកាន់តែល្អប្រសើរ។ ក្រុមការងារបានចាប់ផ្តើមចុះវាស់វែងពីពាក់កណ្តាលខែមីនា ឆ្នាំ២០១៦ ហើយគ្រោងនឹងបញ្ចប់ក្នុងរយៈពេល៣ខែខាងមុខ។
ដោយអនុវត្តទៅតាមសារាចរណែនាំរបស់រាជរដ្ឋាភិបាលកម្ពុជា ស្តីពីកង្វះខាតទឹកប្រើប្រាស់ ដោយសាររដូវប្រាំងឆ្នាំនេះអូសបន្លាយពេលយូរ នាយកដ្ឋានគ្រប់គ្រងទឹកនៃអាជ្ញាធរជាតិអប្សរា នៅព្រឹកថ្ងៃទី២៥ ខែមីនា ឆ្នាំ២០១៦នេះ បានប្រកាសផ្អាកការផ្គត់ផ្គង់ទឹកជូនសហគមន៍ ដែលប្រើប្រាស់ទឹកបារាយណ៍សម្រាប់ស្រោចស្រពដំណាំកសិកម្ម។ ការប្រកាសផ្អាកនៅពេលនេះ គឺដើម្បីរក្សាទឹកខ្លះឲ្យនៅសល់នៅបាតបារាយណ៍ ជាជម្រាបផ្គត់ផ្គង់អណ្តូង និងប្រភពទឹកប្រើប្រាស់ប្រចាំថ្ងៃរបស់ប្រជាពលរដ្ឋ។
បច្ចេកវិទ្យាអវកាស (Remote Sensing) ដែលកំពុងអនុវត្តលើការងារអភិរក្សក្នុងរមណីយដ្ឋានអង្គរសព្វថ្ងៃ អាចនឹងត្រូវពង្រីកវិសាលភាពរបស់ខ្លួនទៅកាន់តំបន់បេតិកភណ្ឌដទៃទៀត ដូចជា ប្រាសាទព្រះវិហារ ប្រាសាទកោះកេរ និងប្រាសាទបេងមាលាជាដើម។ នេះបើយោងតាមលទ្ធផលនៃកិច្ចពិភាក្សារវាងឯកឧត្តមបណ្ឌិតសភាចារ្យ សុខ អាន ឧបនាយករដ្ឋមន្ត្រី រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី និងជាប្រធានអាជ្ញាធរជាតិអប្សរា ជាមួយលោកសាស្ត្រាចារ្យ Bai Chunli ប្រធានបណ្ឌិតសភាវិទ្យាសាស្ត្រចិន នៅទីស្នាក់ការអាជ្ញាធរជាតិអប្សរា នាល្ងាចថ្ងៃទី២២ ខែមីនា ឆ្នាំ២០១៦កន្លងទៅនេះ។
ដោយមានការផ្តួចផ្តើមគំនិត ការចង្អុលបង្ហាញ និងការជំរុញពីឯកឧត្តម ស៊ុំ ម៉ាប់ អគ្គនាយកអាជ្ញាធរជាតិអប្សរា នៅព្រឹកថ្ងៃទី១០ខែមីនាឆ្នាំ២០១៦នេះ អាជ្ញាធរជាតិអប្សរាដឹកនាំដោយឯកឧត្តម ឈរ ថាណាត អគ្គនាយករងអាជ្ញាធរជាតិអប្សរា និងជាប្រធានគណៈកម្មការចម្រុះគ្រប់គ្រងអភិរក្ស និងការពារព្រៃឈើនៅតំបន់ប្រាសាទកោះកេរ និងមន្រ្តីបុគ្គលិកមួយចំនួនទៀតបានចុះទៅអប់រំផ្សព្វផ្សាយស្តីពីការគ្រប់គ្រង អភិរក្ស និងថែរក្សាការពារព្រៃឈើនៅតំបន់ប្រាសាទកោះកេរ ដោយមានការចូលរួមអំពីសំណាក់ព្រះសង្ឃ គណៈកម្មការ មន្ទីរធម្មការ និងសាសនា មន្ទីរវប្បធម៌ និងវិចិត្រសិល្បៈ មន្ទីរទេសចរណ៍ រដ្ឋបាលព្រៃឈើ អាជ្ញាធរខេត្ត ស្រុក ឃុំ ភូមិនិងប្រជាពលរដ្ឋប្រមាណជាង៦០០អង្គ/រូបមកពីភូមិស្រយង់ខាងជើង ឃុំស្រយង់ ស្រុកគូលែន ខេត្តព្រះវិហារ។
ក្រុមការងារផ្សព្វផ្សាយអប់រំអំពីការងារអភិរក្សព្រៃឈើនៅតំបន់ប្រាសាទកោះកេរ នាព្រឹកថ្ងៃទី២៥ ខែកុម្ភៈនេះ បានចុះជួបប្រជាពលរដ្ឋជាង២០០នាក់នៅវត្តស្រយ៉ង់ ឃុំស្រយ៉ង់ ស្រុកគូលែន ខេត្តព្រះវិហារ។ ការជួបជុំនេះ គឺក្នុងគោលបំណងផ្សព្វផ្សាយ និងអប់រំប្រជាពលរដ្ឋឲ្យយល់ដឹងអំពីតម្លៃនៃការងារអភិរក្ស និងគោលការណ៍សំខាន់ៗដែលត្រូវអនុវត្តក្នុងតំបន់អភិរក្សនៃប្រាសាទកោះកេរ។ នេះជាលើកទី២ហើយនៃយុទ្ធនាការចុះអប់រំប្រជាពលរដ្ឋ បន្ទាប់ពីយុទ្ធនាការទី១បានធ្វើឡើងកាលពីថ្ងៃទី១៨ ខែកុម្ភៈ ឆ្នាំ២០១៦នៅភូមិរំចេក ឃុំស្រយ៉ង់ ខេត្តព្រះវិហារ។ ការផ្សព្វផ្សាយអប់រំ គឺជាបេសកកម្មដ៏សំខាន់មួយដែលត្រូវធ្វើដំណាលគ្នានឹងការបង្រ្កាប ទប់ស្កាត់បទល្មើសព្រៃឈើនៅតំបន់អភិរក្សនេះ។

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
5
ថ្ងៃនេះ
:
1081
ម្សិលមិញ
:
6169
សប្តាហ៍នេះ
:
01081
ខែនេះ
:
0243756
សរុប
:
012751345