ព័ត៌មានថ្មីៗ

អាជ្ញាធរជាតិអប្សរា អប់រំអ្នកលក់ដូរនៅប្រសាទបន្ទាយក្តី ឱ្យចេះសម្អាតទីកន្លែងលក់ដូរឱ្យបានស្អាតជាប្រចាំ

បានផ្សាយនៅ ថ្ងៃទី 09 ខែ តុលា ឆ្នាំ2015 11:11 AM ដោយ ៖ អាជ្ញាធរជាតិអប្សរា
អង្គរជាតំបន់បេតិកភណ្ឌពិភពលោក ដែលទទួលបានវិញ្ញាបនបត្រប្រព័ន្ធគ្រប់គ្រង បរិស្ថាន ISO 14001 ពីសំណាក់ស្ថាប័នធានាគុណភាពជប៉ុន ហៅកាត់ថា JQA។ ការទទួលវិញ្ញាបនបត្រISO14001នេះ នឹងធ្វើឲ្យអង្គរដែលជាបេតិកភណ្ឌពិភពលោក រឹងរឹតតែមានមោទនភាពដ៏ខ្ពង់ខ្ពស់ចំពោះជាតិខ្មែរ ហើយក៏ជាបេតិកភណ្ឌពិភពលោកមុនគេ ដែល អនុវត្តនូវប្រព័ន្ធគ្រប់គ្រងបរិស្ថានមួយ ស្របតាមស្ដង់ដារអន្តរជាតិ ដើម្បីការពារ និងអភិរក្សតំបន់អង្គរប្រកបដោយនិរន្តរភាព។ អាជ្ញាធរជាតិអប្សរា ដែលមានភារកិច្ចគ្រប់គ្រងតំបន់នេះ បានអនុវត្តប្រកបដោយជោគជ័យលើកិច្ច ការការពារបរិស្ថាន ឱ្យមានភាពស្រស់បំព្រងជាប្រចាំ។

នាយកដ្ឋានគ្រប់គ្រងព្រៃឈើ ទេសភាពវប្បធម៌ និងបរិស្ថាន ជានាយកដ្ឋានជំនាញដែល ត្រូវបំពេញកិច្ចការស្រាវជ្រាវ និងត្រួតពិនិត្យលើការបំពុលបរិស្ថាន ដែលធ្វើឱ្យប៉ះពាល់ដល់សោភ័ណភាពវប្បធម៌ និងរមណីយដ្ឋានអង្គរទាំងមូល។ តាមរយៈការបំពេញការងារជារៀងរាល់ថ្ងៃ នាយកដ្ឋានតែងតែអប់រំក្រើនរំឭក ដល់អ្នកលក់ដូរតាមបណ្តាប្រាង្គប្រាសាទទាំងអស់ ឱ្យចូលរួមថែរក្សាអនាម័យតាមទីតាំងលក់ដូររបស់ខ្លួនជាប្រចាំ។ ជាក់ស្តែង កាលពីថ្ងៃទី២២ ខែកញ្ញា ឆ្នាំ២០១៥នេះ លោក មាឃ បូរ៉ា ប្រធានផ្នែកស្រាវជ្រាវការបំពុលបរិស្ថាន បានចុះពិនិត្យទីតាំងកន្លែងលក់ដូរនៅប្រាសាទបន្ទាយក្តី ដោយបានសហការជាមួយភ្នាក់ងារសណ្តាប់ធ្នាប់ និងអ្នកលក់ដូរធ្វើការសម្អាត ប្រមូលដឹកជញ្ជូនកាក សំណល់ ចេញឱ្យអស់ពីក្នុងព្រៃ ដើម្បីរក្សាអនាម័យ ក៏ដូចជាការថែរក្សាបរិស្ថានក្នុងឧទ្យានអង្គរឱ្យ មានភាពស្រស់ស្អាតរាល់ថ្ងៃ។

មិនត្រឹមតែកាងារសម្អាត និងការពារបរិស្ថានក្នុងឧទ្យានអង្គរប៉ុណ្ណោះទេ នាយកដ្ឋានក៏បានបំពេញការងារផ្សេងៗទៀតដូចជា ការថែទាំព្រៃឈើ និងដាំបន្ថែមជាច្រើន ដើម្បី លើកតម្លៃរមណីយដ្ឋានអង្គរដែលជាតំបន់បេតិកភណ្ឌពិភពលោក៕

សម្រាមនៅប្រាសាទបន្ទាយក្តី
 
សកម្មភាពចូលរួមសម្អាត
 
ក្រោយពេលសម្អាតរួច
 
នាយកដ្ឋានគ្រប់គ្រងទឹកនៃអាជ្ញាធរជាតិអប្សរា សហការជាមួយអាជ្ញាធរភូមិឃុំដែលស្ថិតនៅក្នុងឃុំ-សង្កាត់ចំនួន៧ ក្នុងស្រុកពួក និងក្រុងសៀមរាប បានចុះវាស់វែងដីកសិកម្មនៃសហគមន៍ដែលប្រើប្រាស់ទឹកបារាយណ៍ទឹកថ្លា ដើម្បីងាយស្រួលដល់ការងារគ្រប់គ្រងទឹក និងរៀបចំប្រព័ន្ធផ្លូវទឹកឲ្យបានកាន់តែល្អប្រសើរ។ ក្រុមការងារបានចាប់ផ្តើមចុះវាស់វែងពីពាក់កណ្តាលខែមីនា ឆ្នាំ២០១៦ ហើយគ្រោងនឹងបញ្ចប់ក្នុងរយៈពេល៣ខែខាងមុខ។
ដោយអនុវត្តទៅតាមសារាចរណែនាំរបស់រាជរដ្ឋាភិបាលកម្ពុជា ស្តីពីកង្វះខាតទឹកប្រើប្រាស់ ដោយសាររដូវប្រាំងឆ្នាំនេះអូសបន្លាយពេលយូរ នាយកដ្ឋានគ្រប់គ្រងទឹកនៃអាជ្ញាធរជាតិអប្សរា នៅព្រឹកថ្ងៃទី២៥ ខែមីនា ឆ្នាំ២០១៦នេះ បានប្រកាសផ្អាកការផ្គត់ផ្គង់ទឹកជូនសហគមន៍ ដែលប្រើប្រាស់ទឹកបារាយណ៍សម្រាប់ស្រោចស្រពដំណាំកសិកម្ម។ ការប្រកាសផ្អាកនៅពេលនេះ គឺដើម្បីរក្សាទឹកខ្លះឲ្យនៅសល់នៅបាតបារាយណ៍ ជាជម្រាបផ្គត់ផ្គង់អណ្តូង និងប្រភពទឹកប្រើប្រាស់ប្រចាំថ្ងៃរបស់ប្រជាពលរដ្ឋ។
បច្ចេកវិទ្យាអវកាស (Remote Sensing) ដែលកំពុងអនុវត្តលើការងារអភិរក្សក្នុងរមណីយដ្ឋានអង្គរសព្វថ្ងៃ អាចនឹងត្រូវពង្រីកវិសាលភាពរបស់ខ្លួនទៅកាន់តំបន់បេតិកភណ្ឌដទៃទៀត ដូចជា ប្រាសាទព្រះវិហារ ប្រាសាទកោះកេរ និងប្រាសាទបេងមាលាជាដើម។ នេះបើយោងតាមលទ្ធផលនៃកិច្ចពិភាក្សារវាងឯកឧត្តមបណ្ឌិតសភាចារ្យ សុខ អាន ឧបនាយករដ្ឋមន្ត្រី រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី និងជាប្រធានអាជ្ញាធរជាតិអប្សរា ជាមួយលោកសាស្ត្រាចារ្យ Bai Chunli ប្រធានបណ្ឌិតសភាវិទ្យាសាស្ត្រចិន នៅទីស្នាក់ការអាជ្ញាធរជាតិអប្សរា នាល្ងាចថ្ងៃទី២២ ខែមីនា ឆ្នាំ២០១៦កន្លងទៅនេះ។
ដោយមានការផ្តួចផ្តើមគំនិត ការចង្អុលបង្ហាញ និងការជំរុញពីឯកឧត្តម ស៊ុំ ម៉ាប់ អគ្គនាយកអាជ្ញាធរជាតិអប្សរា នៅព្រឹកថ្ងៃទី១០ខែមីនាឆ្នាំ២០១៦នេះ អាជ្ញាធរជាតិអប្សរាដឹកនាំដោយឯកឧត្តម ឈរ ថាណាត អគ្គនាយករងអាជ្ញាធរជាតិអប្សរា និងជាប្រធានគណៈកម្មការចម្រុះគ្រប់គ្រងអភិរក្ស និងការពារព្រៃឈើនៅតំបន់ប្រាសាទកោះកេរ និងមន្រ្តីបុគ្គលិកមួយចំនួនទៀតបានចុះទៅអប់រំផ្សព្វផ្សាយស្តីពីការគ្រប់គ្រង អភិរក្ស និងថែរក្សាការពារព្រៃឈើនៅតំបន់ប្រាសាទកោះកេរ ដោយមានការចូលរួមអំពីសំណាក់ព្រះសង្ឃ គណៈកម្មការ មន្ទីរធម្មការ និងសាសនា មន្ទីរវប្បធម៌ និងវិចិត្រសិល្បៈ មន្ទីរទេសចរណ៍ រដ្ឋបាលព្រៃឈើ អាជ្ញាធរខេត្ត ស្រុក ឃុំ ភូមិនិងប្រជាពលរដ្ឋប្រមាណជាង៦០០អង្គ/រូបមកពីភូមិស្រយង់ខាងជើង ឃុំស្រយង់ ស្រុកគូលែន ខេត្តព្រះវិហារ។
ក្រុមការងារផ្សព្វផ្សាយអប់រំអំពីការងារអភិរក្សព្រៃឈើនៅតំបន់ប្រាសាទកោះកេរ នាព្រឹកថ្ងៃទី២៥ ខែកុម្ភៈនេះ បានចុះជួបប្រជាពលរដ្ឋជាង២០០នាក់នៅវត្តស្រយ៉ង់ ឃុំស្រយ៉ង់ ស្រុកគូលែន ខេត្តព្រះវិហារ។ ការជួបជុំនេះ គឺក្នុងគោលបំណងផ្សព្វផ្សាយ និងអប់រំប្រជាពលរដ្ឋឲ្យយល់ដឹងអំពីតម្លៃនៃការងារអភិរក្ស និងគោលការណ៍សំខាន់ៗដែលត្រូវអនុវត្តក្នុងតំបន់អភិរក្សនៃប្រាសាទកោះកេរ។ នេះជាលើកទី២ហើយនៃយុទ្ធនាការចុះអប់រំប្រជាពលរដ្ឋ បន្ទាប់ពីយុទ្ធនាការទី១បានធ្វើឡើងកាលពីថ្ងៃទី១៨ ខែកុម្ភៈ ឆ្នាំ២០១៦នៅភូមិរំចេក ឃុំស្រយ៉ង់ ខេត្តព្រះវិហារ។ ការផ្សព្វផ្សាយអប់រំ គឺជាបេសកកម្មដ៏សំខាន់មួយដែលត្រូវធ្វើដំណាលគ្នានឹងការបង្រ្កាប ទប់ស្កាត់បទល្មើសព្រៃឈើនៅតំបន់អភិរក្សនេះ។

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
6
ថ្ងៃនេះ
:
2208
ម្សិលមិញ
:
6616
សប្តាហ៍នេះ
:
14789
ខែនេះ
:
0257464
សរុប
:
012765053