ព័ត៌មានថ្មីៗ

ប្រទះឃើញរូបចម្លាក់ពេលកាយប្រឡាយរំដោះទឹកនៅប្រាសាទបន្ទាយស្រី

បានផ្សាយនៅ ថ្ងៃទី 05 ខែ តុលា ឆ្នាំ2015 08:41 AM ដោយ ៖ អាជ្ញាធរជាតិអប្សរា

រូបចម្លាក់មានទម្រង់ជាសន្លឹកសីមាសម្រាប់ដាក់តាំងលម្អនៅតាមជ្រុងប្រាសាទ ត្រូវបានក្រុមមន្ត្រីអភិរក្សប្រាសាទប្រទះឃើញ ពេលកាយប្រឡាយរំដោះទឹកចេញពីប្រាសាទបន្ទាយស្រី។ រូបនេះមានចម្លាក់ជារូបគ្រុឌ និងមានក្បាច់លម្អព័ទ្ធជុំវិញដែលមានទំហំទទឹងប្រវែង១២សង់ទី ម៉ែត្រ និងបណ្តោយប្រវែង២៩សង់ទីម៉ែត្រ ធ្វើពីថ្មភក់ពណ៌ក្រហម ក្នុងទម្រង់រចនាប័ទ្មសម័យបន្ទាយស្រី។

លោក សារាយ គឹមហួល មន្ត្រីអភិរក្សប្រាសាទប្រចាំនៅប្រាសាទបន្ទាយស្រី បានបញ្ជាក់ថា ក្រុមការងាអភិរក្សប្រាសាទរបស់អាជ្ញាធរជាតិអប្សរា តែងតែបំពេញកិច្ចការថែទាំជាប្រចាំនូវរាល់ហេដ្ឋារចនាសម្ពន្ធទូទៅក្នុងបរិវេណប្រាសាទក៏ដូចជាក្នុងឧទ្យានទាំងមូល។ ដោយឡែកក្នុងពេលកំពុងកាយប្រឡាយរំដោះទឹកចេញពីប្រាសាទបន្ទាយស្រីកាលពីព្រឹកថ្ងៃទី១ ខែតុលា ឆ្នាំ២០១៥នេះ ក្រុមការងារក៏បានប្រទះឃើញរូបចម្លាក់នេះដោយចៃដន្យ នៅទីតាំងចម្ងាយ៤ម៉ែត្រខាងកើតខ្លោងទ្វារទី៣ ក្នុងជម្រៅដីប្រមាណជា១៥សង់ទីម៉ែត្រ។

បន្ទាប់ពីបានប្រទះឃើញក្រុមការងារក៏បានធ្វើកំណត់ត្រា និងលាងសម្អាតដោយចុះលេខបញ្ជីត្រឹមត្រូវ រង់ចាំដើម្បីពិនិត្យមើលលទ្ធភាពជួសជុល និងរក្សាទុកតាមគោលការណ៍បច្ចេកទេស៕






ការជួសជុលប្រាសាទ ឬបុរាណដ្ឋាននានា ជាពិសេសក្នុងរមណីយដ្ឋានអង្គរ យើងតែងឃើញការងារមួយដែលអ្នកជំនាញធ្វើ មុននឹងឈានដល់ការជួសជុលនោះគឺ ការធ្វើកំណាយបុរាណវិទ្យា។ កំណាយបុរាណវិទ្យា គឺជាការជីកកកាយបែបវិទ្យាសាស្ត្រ ដែលធ្វើឡើងយ៉ាងម៉ត់ចត់ និងមានវិធីសាស្ត្រត្រឹមត្រូវ។
អ្នកជំនាញនៃនាយកដ្ឋានអភិរក្សប្រាសាទក្នុងឧទ្យានអង្គរ និងបុរាណវិទ្យាបង្ការរបស់អាជ្ញាធរជាតិអប្សរា កំពុងធ្វើកំណាយស្រាវជ្រាវបុរាណវិទ្យា និងជួសជុល ពង្រឹងឡើងវិញ។ ការងារនេះចំណាយពេលជាង១ឆ្នាំមកហើយ ដោយចាប់ផ្តើមពីឆ្នាំ២០១៤មក។
កំពែងអង្គរធំភាគឦសានប្រវែង៨ម៉ែត្រកម្ពស់៧ម៉ែត្រកន្លះ ត្រូវបានក្រុមអ្នកជំនាញខ្មែរ ធ្វើការជួសជុលឡើងវិញរួចរាល់ហើយ ក្រោយពីផ្ទាំងកំពែងនេះ និង៣ផ្ទាំងដទៃទៀតបានរងការ បាក់រលំក្នុងអំឡុងខ្យល់ព្យុះកេតសូណា កាលពីឆ្នាំ២០១១កន្លងទៅ។
ចម្លាក់តោធ្វើពីថ្មភក់ចំនួនប្រាំដែលដាក់តាំងនៅមុខប្រាសាទក្រវាន់ នឹងត្រូវនាយកដ្ឋានជំនាញសិក្សាពីទម្រង់រចនាបទដើម្បីធ្វើការជួសជុល និងឆ្លាក់បន្ថែមជើង ក្នុងន័យលើកតម្លៃសម្បត្តិបេតិកភណ្ឌក្នុងរមណីយដ្ឋានអង្គរ។
អ្នកជំនាញនៃអាជ្ញាធរជាតិអប្សរា នឹងបំពាក់ពិតានឈើនៅលើរោងទង កូរសមុទ្រទឹកដោះ នៅក្នុងប្រាសាទអង្គរវត្ត ដែលបានមានភាពពុកផុយ ក្នុងរយៈពេល៦ខែខាងមុខ បន្ទាប់ពីទទួលបានការគាំទ្រពី គណៈកម្មាធិការអាយស៊ីស៊ីអង្គរ ក្នុងកិច្ចប្រជុំបច្ចេកទេសលើកទី២៥ នៅថ្ងៃទី២ ខែធ្នូ ឆ្នាំ២០១៥នេះ។

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
1
ថ្ងៃនេះ
:
2288
ម្សិលមិញ
:
3345
សប្តាហ៍នេះ
:
08172
ខែនេះ
:
0056645
សរុប
:
009429921