ព័ត៌មានថ្មីៗ

ក្រុមការងារសហគមន៍ក្រុមទី៤ បន្តសហការជាមួយអង្គការអាដដា និងអង្គការជំនួយផ្នែកច្បាប់នៃកម្ពុជា ចុះអប់រំប្រជាពលរដ្ឋនៅភូមិបឹងដូនប៉ា

បានផ្សាយនៅ ថ្ងៃទី 01 ខែ តុលា ឆ្នាំ2015 03:13 PM ដោយ ៖ អាជ្ញាធរជាតិអប្សរា

បឹងដូនប៉ាជាភូមិស្ថិតក្នុង សង្កាត់ស្លក្រាម ក្រុងសៀមរាប។ ភូមិនេះមានផ្ទៃដីមួយចំណែកពាក់ព័ន្ធ តំបន់បុរីវប្បធម៌ និងទេសចរណ៍អង្គរ និងមួយចំណែកទៀតស្ថិតក្នុងតំបន់ការពារទី២នៃឧទ្យានអង្គរ។

ដើម្បីបង្កើនការយល់ដឹងពាក់ព័ន្ធនឹងកិច្ចការគ្រប់គ្រងតំបន់ឧទ្យានអង្គរ ក៏ដូចជាការប្រើប្រាស់ដីធ្លីក្នុងតំបន់នានា អាជ្ញាធរជាតិអប្សរាតាមរយៈក្រុមការងារសហគមន៍បានសហការ ជាមួយអង្គការអាដដា និងអង្គការជំនួយផ្នែកច្បាប់នៃកម្ពុជាបានចុះអប់រំប្រជាពលរដ្ឋ នៅព្រឹកថ្ងៃទី០១ ខែតុលា ឆ្នាំ២០១៥នេះ។ ប្រជាពលរដ្ឋចំនួន៥៦គ្រួសារបានមកចូលរួមក្នុងកម្មវិធីនេះដើម្បីទទួលយកខ្លឹមសារនៃការអប់រំក្នុងន័យចូលរួមអភិរក្ស និងអភិវឌ្ឍន៍តំបន់រមណីយដ្ឋានអង្គរដែលជាបេតិកភណ្ឌពិភពលោក។

លោក រាជ ហុកសេង មេធាវីនៃអង្គការជំនួយផ្នែកច្បាប់នៃកម្ពុជាបានពន្យល់លម្អិតពីនីតិវិធីពាក់ព័ន្ធនឹងការគ្រប់គ្រង ក៏ដូចជាការស្នើសុំសាងសង់សំណង់ផ្សេងៗ ក្នុងតំបន់ការពារឧទ្យានអង្គរដែលជាសម្បត្តិសាធារណៈរបស់រដ្ឋ។ ចំណែក ឯកឧត្តម ខូយ គឹមទួ ទីប្រឹក្សានិងជាប្រធានក្រុមទី៤ នៃក្រុមការងារសហគមន៍របស់អាជ្ញាធរជាតិអប្សរា ក៏បានចូលរួមពន្យល់ដល់ប្រជាពលរដ្ឋនូវការខិតខំរបស់អាជ្ញាធរជាតិអប្សរា ចំពោះកិច្ចការអភិរក្សប្រាង្គប្រាសាទក៏ដូចជាការអភិវឌ្ឍតំបន់ឧទ្យានអង្គរប្រកបដោយចីរភាព ស្របតាមគោលការច្បាប់ដើម្បីរួមចំណែកក្នុងការកាត់បន្ថយភាពក្រីក្ររបស់ប្រជាពលរដ្ឋក្នុងតំបន់។

ក្រុមសហគមន៍របស់អាជ្ញាធរជាតិអប្សរា មានតួនាទីបញ្រ្ជាបការយល់ដឹងផ្នែកបេតិកភណ្ឌ ដល់ប្រជាពលរដ្ឋក៏ដូចជាការទទួលយកសំណូមពរផ្សេងៗមកដោះស្រាយ និងមានកិច្ចការមួយចំនួនទៀតដែលក្រុមការងារនេះ មានសិទ្ធិសម្រេចជូនប្រជាពលរដ្ឋភ្លាមៗនៅទីតាំងផ្ទាល់តែម្តង៕







ក្រុមការងារសហគមន៍ប្រចាំស្រុកប្រាសាទបាគងដឹកនាំដោយ ឯកឧត្តម សុខ លក្ខិណា ទីប្រឹក្សាអាជ្ញាធរជាតិអប្សរា និងជាប្រធានក្រុមការងារសហគមន៍ប្រចាំស្រុកប្រាសាទបាគង បានចុះពិនិត្យ លទ្ធភាពជាក់ស្តែងការជួសជុលទំនប់ទឹកប្រវែង ១៦ម x ១២ម ជម្រៅ ៧ម ដែលបានដាច់ខូចខាតកាលពីឆ្នាំ២០១៣ ដោយគ្រោះទឹកជំនន់។ ការចុះពិនិត្យនេះប្រព្រឹត្តទៅកាលពីថ្ងៃទី០៥ ខែមេសា ឆ្នាំ២០១៦ ដោយមានការចូលរួមពីនាយកដ្ឋានជំនាញពាក់ព័ន្ធនានានៃអាជ្ញាធរជាតិអប្សរា និងលោក ស៊ត់ ដន ជាមេភូមិត្រាច តំណាងឱ្យប្រជាពលរដ្ឋ។
ប្រជាពលរដ្ឋពីរគ្រួសារដែលមានផ្ទះនៅជាប់គ្នា ស្ថិតនៅក្នុងភូមិតាស្នេហ៍ ឃុំដូនកែវ ស្រុកពួក ដែលរងគ្រោះដោយសារភ្លើងឆាបឆេះផ្ទះ បានទទួលអំណោយសង្គ្រោះបឋមរបស់ឯកឧត្តមបណ្ឌិតសភាចារ្យ សុខ អាន ឧបនាយកដ្ឋមន្ត្រី រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី និងជាប្រធានអាជ្ញាធរជាតិអប្សរា។
ក្រុមការងារសហគមន៍ទី១ នៃអាជ្ញាធរជាតិអប្សរាប្រចាំស្រុកប្រាសាទបាគង នៅព្រឹកថ្ងៃទី២៩ខែមីនាឆ្នាំ២០១៦នេះបាននាំយកនូវសម្ភារៈ និងគ្រឿងបរិភោគមួយចំនួន ដែលជាអំណោយដ៏ថ្លៃថ្លារបស់ឯកឧត្តមបណ្ឌិតសភាចារ្យ សុខ អាន ឧបនាយករដ្ឋមន្ត្រី រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី និងជាប្រធានអាជ្ញាធរជាតិអប្សរា និងលោកជំទាវ ទៅចែកជូនគ្រួសារដែលរងគ្រោះដោយអគ្គិភ័យ ភ្លើងឆេះផ្ទះស្ថិតនៅក្នុងភូមិស្ទឹង ឃុំបាគង ស្រុកប្រាសាទបាគង ខេត្តសៀមរាប។
ក្រុមការងារសហគមន៍ក្រុមទី១របស់អាជ្ញាធរជាតិអប្សរា ប្រចាំក្រុងសៀមរាប កាលពីព្រឹក ថ្ងៃទី២៤ ខែមីនា ឆ្នាំ២០១៦ បានបន្តចុះដោះស្រាយបញ្ហារបស់ប្រជាពលរដ្ឋ ដែលបានស្នើសុំជួសជុលផ្ទះ ធ្វើបង្គន់ និងសាងសង់សំណង់ចាំបាច់ផ្សេងៗ របស់ពួកគាត់ ព្រមទាំងសុំជួសជុលផ្លូវក្នុងភូមិជាដើម។ល។
អំណោយជាសម្ភារៈប្រើប្រាស់រួមទាំងអង្ករចំនួន៥គីឡូក្រាម ដែលផ្តល់ជូនដោយអង្គការសប្បុរសធម៌ជប៉ុន ក្តីសង្ឃឹមនៃកម្ពុជា (Hope of Cambodia) ត្រូវបានចែកជូនដល់ប្រជាពលរដ្ឋចំនួន២៦០ គ្រួសារ មកពីភូមិចំនួន១០ ក្នុងឃុំលាងដៃ និងឃុំស្វាយចេក ស្រុកអង្ករធំ នៅព្រឹកថ្ងៃទី១៧ ខែកុម្ភៈឆ្នាំ២០១៦។
ដើមដំបូងមុន123456បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
3
ថ្ងៃនេះ
:
3171
ម្សិលមិញ
:
5855
សប្តាហ៍នេះ
:
09026
ខែនេះ
:
0036482
សរុប
:
009409758