ព័ត៌មានថ្មីៗ

ប្រជាពលរដ្ឋក្នុងតំបន់អង្គរទទួលបាននូវការដោះស្រាយដល់ទីកន្លែង តាមរយៈក្រុមការងារសហគមន៍អាជ្ញាធរជាតិអប្សរា

បានផ្សាយនៅ ថ្ងៃទី 01 ខែ តុលា ឆ្នាំ2015 02:32 PM ដោយ ៖ អាជ្ញាធរជាតិអប្សរា

ប្រជាពលរដ្ឋទាំង១១២ភូមិ ស្ថិតក្នុងតំបន់១ និងតំបន់២នៃរមណីយដ្ឋានអង្គរកាន់តែមានភាពងាយស្រួលក្នុងការសុំច្បាប់សាងសង់ ឬជួសជុលតូចតាចដូចជា បង្គន់អនាម័យ ជួសជុលជញ្ជាំងផ្ទះ ដំបូលផ្ទះ ជណ្តើរ ប្តូរសរសរ តសំយ៉ាប កឥដ្ឋក្រោមផ្ទះ ។ល។ 

បច្ចុប្បន្នក្រុមការងារសហគមន៍ចំនួន៧ក្រុម ដែលមានសមាសភាពថ្នាក់ដឹកនាំជាទីប្រឹក្សា អគ្គនាយករង ប្រធាននាយកដ្ឋាន និងមន្ត្រីបុគ្គលិកមកពីនាយកដ្ឋានជំនាញពាក់ព័ន្ធ បាន និងកំពុងចុះផ្សព្វផ្សាយយ៉ាងសស្រាក់សស្រាំ នូវច្បាប់ស្តីពីការការពារបេតិកភណ្ឌវប្បធម៌ តួនាទី និងភារកិច្ចរបស់អាជ្ញាធរជាតិអប្សរា បទដ្ឋានស្តីពីការសាងសង់ និងការប្រើប្រាស់ដីធ្លីក្នុងតំបន់អង្គរ រួមនិងសមិទ្ធផលថ្មីៗដែលស្ថាប័នមួយនេះសម្រេចបានជូនប្រជាពលរដ្ឋសហគមន៍។

កន្លងមក ក្រៅពីអនុញ្ញាតការសាងសង់ និងជួសជុលតូចៗខាងលើ ក្រុមការងារសហគមន៍ក៏សម្រេចបាននូវសមិទ្ធផលសំខាន់ៗមួយចំនួន ដូចជាការសាងសង់ និងជួសជុលផ្លូវ ស្ពាន អណ្តូងទឹក ប្រឡាយទឹក ទ្វារទឹក លូជាដើម។

ការឆ្លើយតប និងដោះស្រាយសំណើភ្លាមៗតាមរយៈក្រុមការងារសហគមន៍នេះ បានធ្វើឲ្យអាជ្ញាធរមូលដ្ឋានប្រជាពលរដ្ឋពេញចិត្ត និងបានបង្ហាញពីការយកចិត្តទុកដាក់គិតគូរពីការលំបាករបស់ប្រជាពលរដ្ឋសហគមន៍តំបន់អង្គរ ពីសំណាក់រាជរដ្ឋាភិបាល ក៏ដូចជាអាជ្ញាធរជាតិអប្សរា ក្នុងការលើកស្ទួយជីវភាពពួកគាត់ឲ្យកាន់តែប្រសើរឡើង និងស័ក្តិសមជាម្ចាស់មរតកដ៏មហាសាលនេះ៕

ផ្លូវលំក្រាលក្រួសក្រហមប្រវែង ១៦០០ម
(ភូមិលាងដៃ ឃុំលាងដៃ ស្រុកអង្គរធំ)

លូធំនៅខាងត្បូងវត្តអង្គម៉ោល
(ភូមិលាងដៃ ឃុំលាងដៃ ស្រុកអង្គរធំ)

ទ្វារទឹកនៅបារាយណ៍ថ្មី
(ភូមិព្រៃក្មេង ឃុំខ្នាត ស្រុកពួក)

ស្ពានបេតុង និងបង្កាន់ដៃស្ពាន
(ភូមិប្រីយ៍ថ្មី សង្កាត់ទឹកវិល ក្រុងសៀមរាប)

លូរជាប់ផ្លូវ៣០ម៉ែត្រ ចូលទៅអតីតភូមិភាគ៤
(ភូមិខ្វៀន សង្កាត់គោកចក ក្រុងសៀមរាប)

 
ទ្វារទឹកនៅមុខប្រាសាទក្រវ៉ាន់
(ភូមិក្រវ៉ាន់ សង្កាត់នគរធំ ក្រុងសៀមរាប)

 
ទ្វារទឹកបិទបើកបង្ហៀរទឹក (ទំនប់ចៀក) ភូមិអូរទទឹង ឃុំព្រះដាក់ ស្រុកបន្ទាយស្រី
 
អណ្តូងស្នប់ជាអំណោយរបស់អាជ្ញាធរជាតិអប្សរា
(ភូមិតាកុយ ឃុំបល្ល័ង្គ ស្រុកប្រាសាទបាគង)

 
ស្តារប្រឡាយ និងសម្អាតស្ទឹងលេខ៤ត្រង់ទឹកវិល
(ភូមិខ្នាត ឃុំខ្នាត ស្រុកពួក)

 
លូកាត់ប្រឡាយសងខាងផ្លូវចូលមកទីស្នាក់ការអាជ្ញាធរជាតិអប្សរា (ភូមិត្នោត សង្កាត់អំពិល ក្រុងសៀមរាប)
 
ការដ្ឋានផ្លូវចាក់បេតុងប្រវែង៩៣០ម៉ែត្រ ត្រង់ផ្សារគោកស្នួល (ភូមិប្រឡាយ ឃុំខ្នាត ស្រុកពួក)
 
ការដ្ឋានស្ពានបេតុងខាងជើងខ្នងបារាយណ៍ ចូលទៅតាមភូមិពាម ភូមិល្បើក និងភូមិស្នែ ឃុំដូនកែវ ស្រុកពួក

ថវិកាបដិភាគរបស់អាជ្ញាធរជាតិអប្សរាចំនួន ៨៨៥.០០០រៀល
ជួយសាងសង់លូក្នុងភូមិបង្កោង សង្កាត់អំពិល ក្រុងសៀមរាប

 
ថវិកាបដិភាគរបស់អាជ្ញាធរជាតិអប្សរាចំនួន ៣.៧១២.០០០រៀល
ជួយសាងសង់លូក្នុងភូមិគិរីមានន្ទ សង្កាត់អំពិល ក្រុងសៀមរាប

 
ពិធីចែកអំណោយដល់គ្រួសារប្រជាពលរដ្ឋរងគ្រោះដោយសារខ្យល់កន្រ្តាក់ចំនួន ៧២គ្រួសារ
នៅឃុំលាងដៃ ស្រុកអង្គរធំ (២០ ឧសភា ២០១៥)

ការដ្ឋានស្ថាបនាផ្លូវ ១១គ.ម សំណង់ទ្វារទឹក និងលូកាត់ផ្លូវ ពីភូមិនគរក្រៅ ទៅសាលាឃុំដូនកែវ
 
ផ្លូវដីស ៤គ.ម ភូមិស្ទឹងព្រះស្រុក ឃុំល្វា ស្រុកពួក
 
ដើម្បីរួមចំណែកថែរក្សាប្រពៃណី និងទំនុកបម្រុងព្រះសង្ឃ ដែលត្រូវ គង់ចាំវស្សារយៈពេល៣ខែតាមពុទ្ធវិន័យនោះ ក្រុមការងារសហគមន៍ប្រចាំស្រុកបាគង ដឹកនាំដោយឯកឧត្តម សុខ លក្ខិណា អគ្គនាយករងនៃអាជ្ញាធរជាតិអប្សរា កាលពីថ្ងៃទី០៧ ខែសីហាកន្លងទៅនេះបាននាំយកទេយ្យទានមួយចំនួន ទៅប្រគេនព្រះសង្ឃ នៅវត្តព្រះស្នេហាបរិច្ឆ័ត្តព្រឹក្ស ហៅវត្តរលួស ស្រុកប្រាសាទបាគង ខេត្តសៀមរាប។
ក្រៅពីកិច្ចការអភិរក្ស ជួសជុលប្រាសាទនៅក្នុងតំបន់ឧទ្យានអង្គរ អាជ្ញាធរជាតិអប្សរាក៏បានយកចិត្តទុកដាក់អំពីជីវភាពរស់នៅរបស់ប្រជាជនផងដែរ ជាពិសេសលើការកសាងហេដ្ឋារចនាសម្ព័ន្ធ ផ្សេងៗ
សមាសភាពក្រុមការងារសហគមន៍
( ថ្ងៃទី 20 ខែ កក្កដា ឆ្នាំ2015 )
ក្រុមការងារសហគមន៍អាជ្ញាធរជាតិអប្សរាត្រូវបានបង្កើតឡើងដើម្បីចុះផ្សព្វផ្សាយ និងផ្តល់ព័ត៌មានជូនប្រជាជនតាមសហគមន៍ និងប្រជាជនរស់នៅក្នុងតំបន់ដែលស្ថិតនៅក្រោមការគ្រប់គ្រងរបស់អជ្ញាធរជាតិអប្សរាអប្សរា និងតំបន់ពាក់ព័ន្ធ៖
- ផ្សព្វផ្សាយឲ្យប្រជាជនបានយល់ដឹងអំពីតួនាទីរបស់អាជ្ញាធរជាតិអប្សរា សមិទ្ធផលការងារថ្មីៗដែលសម្រេចបាន ព្រមទាំងអំពីផលប្រយោជន៍នៃកិច្ចការអភិរក្ស និងអភិវឌ្ឍន៍ដែលកំពុងអនុវត្តដោយអាជ្ញាធរជាតិអប្សរា និងឲ្យយល់ដឹងច្បាស់អំពីតម្លៃនៃការអភិរក្ស និងអភិវឌ្ឍន៍សម្បតិ្តបេតិកភណ្ឌ និងវប្បធម៌
-ផ្សព្វផ្សាយជូនសមាគមមគ្គុទ្ទេសក៍ទេសចរណ៍ សិស្ស និស្សិតតាមបណ្តាអនុវិទ្យាល័យ វិទ្យាល័យក្នុងតំបន់រមណីយដ្ឋានអង្គរ និងសាកលវិទ្យាល័យនានាក្នុងខេត្តសៀមរាប ។
ដើមដំបូងមុន123456បន្ទាប់ចុងក្រោយ

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
8
ថ្ងៃនេះ
:
0202
ម្សិលមិញ
:
10360
សប្តាហ៍នេះ
:
20490
ខែនេះ
:
0173999
សរុប
:
012943431