ព័ត៌មានថ្មីៗ

ប្រជាពលរដ្ឋក្នុងតំបន់អង្គរទទួលបាននូវការដោះស្រាយដល់ទីកន្លែង តាមរយៈក្រុមការងារសហគមន៍អាជ្ញាធរជាតិអប្សរា

បានផ្សាយនៅ ថ្ងៃទី 01 ខែ តុលា ឆ្នាំ2015 02:32 PM ដោយ ៖ អាជ្ញាធរជាតិអប្សរា

ប្រជាពលរដ្ឋទាំង១១២ភូមិ ស្ថិតក្នុងតំបន់១ និងតំបន់២នៃរមណីយដ្ឋានអង្គរកាន់តែមានភាពងាយស្រួលក្នុងការសុំច្បាប់សាងសង់ ឬជួសជុលតូចតាចដូចជា បង្គន់អនាម័យ ជួសជុលជញ្ជាំងផ្ទះ ដំបូលផ្ទះ ជណ្តើរ ប្តូរសរសរ តសំយ៉ាប កឥដ្ឋក្រោមផ្ទះ ។ល។ 

បច្ចុប្បន្នក្រុមការងារសហគមន៍ចំនួន៧ក្រុម ដែលមានសមាសភាពថ្នាក់ដឹកនាំជាទីប្រឹក្សា អគ្គនាយករង ប្រធាននាយកដ្ឋាន និងមន្ត្រីបុគ្គលិកមកពីនាយកដ្ឋានជំនាញពាក់ព័ន្ធ បាន និងកំពុងចុះផ្សព្វផ្សាយយ៉ាងសស្រាក់សស្រាំ នូវច្បាប់ស្តីពីការការពារបេតិកភណ្ឌវប្បធម៌ តួនាទី និងភារកិច្ចរបស់អាជ្ញាធរជាតិអប្សរា បទដ្ឋានស្តីពីការសាងសង់ និងការប្រើប្រាស់ដីធ្លីក្នុងតំបន់អង្គរ រួមនិងសមិទ្ធផលថ្មីៗដែលស្ថាប័នមួយនេះសម្រេចបានជូនប្រជាពលរដ្ឋសហគមន៍។

កន្លងមក ក្រៅពីអនុញ្ញាតការសាងសង់ និងជួសជុលតូចៗខាងលើ ក្រុមការងារសហគមន៍ក៏សម្រេចបាននូវសមិទ្ធផលសំខាន់ៗមួយចំនួន ដូចជាការសាងសង់ និងជួសជុលផ្លូវ ស្ពាន អណ្តូងទឹក ប្រឡាយទឹក ទ្វារទឹក លូជាដើម។

ការឆ្លើយតប និងដោះស្រាយសំណើភ្លាមៗតាមរយៈក្រុមការងារសហគមន៍នេះ បានធ្វើឲ្យអាជ្ញាធរមូលដ្ឋានប្រជាពលរដ្ឋពេញចិត្ត និងបានបង្ហាញពីការយកចិត្តទុកដាក់គិតគូរពីការលំបាករបស់ប្រជាពលរដ្ឋសហគមន៍តំបន់អង្គរ ពីសំណាក់រាជរដ្ឋាភិបាល ក៏ដូចជាអាជ្ញាធរជាតិអប្សរា ក្នុងការលើកស្ទួយជីវភាពពួកគាត់ឲ្យកាន់តែប្រសើរឡើង និងស័ក្តិសមជាម្ចាស់មរតកដ៏មហាសាលនេះ៕

ផ្លូវលំក្រាលក្រួសក្រហមប្រវែង ១៦០០ម
(ភូមិលាងដៃ ឃុំលាងដៃ ស្រុកអង្គរធំ)

លូធំនៅខាងត្បូងវត្តអង្គម៉ោល
(ភូមិលាងដៃ ឃុំលាងដៃ ស្រុកអង្គរធំ)

ទ្វារទឹកនៅបារាយណ៍ថ្មី
(ភូមិព្រៃក្មេង ឃុំខ្នាត ស្រុកពួក)

ស្ពានបេតុង និងបង្កាន់ដៃស្ពាន
(ភូមិប្រីយ៍ថ្មី សង្កាត់ទឹកវិល ក្រុងសៀមរាប)

លូរជាប់ផ្លូវ៣០ម៉ែត្រ ចូលទៅអតីតភូមិភាគ៤
(ភូមិខ្វៀន សង្កាត់គោកចក ក្រុងសៀមរាប)

 
ទ្វារទឹកនៅមុខប្រាសាទក្រវ៉ាន់
(ភូមិក្រវ៉ាន់ សង្កាត់នគរធំ ក្រុងសៀមរាប)

 
ទ្វារទឹកបិទបើកបង្ហៀរទឹក (ទំនប់ចៀក) ភូមិអូរទទឹង ឃុំព្រះដាក់ ស្រុកបន្ទាយស្រី
 
អណ្តូងស្នប់ជាអំណោយរបស់អាជ្ញាធរជាតិអប្សរា
(ភូមិតាកុយ ឃុំបល្ល័ង្គ ស្រុកប្រាសាទបាគង)

 
ស្តារប្រឡាយ និងសម្អាតស្ទឹងលេខ៤ត្រង់ទឹកវិល
(ភូមិខ្នាត ឃុំខ្នាត ស្រុកពួក)

 
លូកាត់ប្រឡាយសងខាងផ្លូវចូលមកទីស្នាក់ការអាជ្ញាធរជាតិអប្សរា (ភូមិត្នោត សង្កាត់អំពិល ក្រុងសៀមរាប)
 
ការដ្ឋានផ្លូវចាក់បេតុងប្រវែង៩៣០ម៉ែត្រ ត្រង់ផ្សារគោកស្នួល (ភូមិប្រឡាយ ឃុំខ្នាត ស្រុកពួក)
 
ការដ្ឋានស្ពានបេតុងខាងជើងខ្នងបារាយណ៍ ចូលទៅតាមភូមិពាម ភូមិល្បើក និងភូមិស្នែ ឃុំដូនកែវ ស្រុកពួក

ថវិកាបដិភាគរបស់អាជ្ញាធរជាតិអប្សរាចំនួន ៨៨៥.០០០រៀល
ជួយសាងសង់លូក្នុងភូមិបង្កោង សង្កាត់អំពិល ក្រុងសៀមរាប

 
ថវិកាបដិភាគរបស់អាជ្ញាធរជាតិអប្សរាចំនួន ៣.៧១២.០០០រៀល
ជួយសាងសង់លូក្នុងភូមិគិរីមានន្ទ សង្កាត់អំពិល ក្រុងសៀមរាប

 
ពិធីចែកអំណោយដល់គ្រួសារប្រជាពលរដ្ឋរងគ្រោះដោយសារខ្យល់កន្រ្តាក់ចំនួន ៧២គ្រួសារ
នៅឃុំលាងដៃ ស្រុកអង្គរធំ (២០ ឧសភា ២០១៥)

ការដ្ឋានស្ថាបនាផ្លូវ ១១គ.ម សំណង់ទ្វារទឹក និងលូកាត់ផ្លូវ ពីភូមិនគរក្រៅ ទៅសាលាឃុំដូនកែវ
 
ផ្លូវដីស ៤គ.ម ភូមិស្ទឹងព្រះស្រុក ឃុំល្វា ស្រុកពួក
 
ក្រុមលេខាធិការដ្ឋានសហគមន៍នៃអាជ្ញាធរជាតិអប្សរាបាននាំយកឃីតចំនួន ៣២ ទៅចែកជូនប្រជាពលរដ្ឋ ៣២ គ្រួសារ ដែលស្ថិតនៅក្នុងឃុំដូនកែវ ស្រុកពួក ខេត្តសៀមរាប កាលពីថ្ងៃទី១០ខែកុម្ភៈឆ្នាំ២០១៦។
នាព្រឹកថ្ងៃទី២២ ខែមករា ឆ្នាំ២០១៦ ក្រុមការងារសហគមន៍ទី១ប្រចាំស្រុកប្រាសាទបាគង ដឹកនាំដោយឯកឧត្តម សុខ លក្ខិណា ទីប្រឹក្សាអាជ្ញាធរជាតិអប្សរា បានចុះទៅពិនិត្យទីតាំងស្នើរសុំធ្វើបង្គន់អនាម័យនិងប្តូរដំបូលផ្ទះរបស់ប្រជាពលរដ្ឋ២គ្រួសារនៅភូមិតាប្រាក់ ឃុំមានជ័យ ស្រុកប្រាសាទបាគង ខេត្តសៀមរាប។
ក្រុមការងារសហគមន៍ទី៥ប្រចាំស្រុកបន្ទាយស្រី កាលពីរសៀលថ្ងៃទី១៨ ខែមករា ឆ្នាំ២០១៦ បាននាំយកលិខិតអនុញ្ញាតជួសជុលផ្ទះមួយច្បាប់ និងលិខិតអនុញ្ញាតសាងសង់ផ្ទះថ្មីជំនួសផ្ទះចាស់ចំនួន២ច្បាប់ទៅប្រគល់ជូនប្រជាពលរដ្ឋនៅភូមិប្រដាក និងភូមិថ្នល់បណ្តោយ។
អំណោយជាសម្ភារៈប្រើប្រាស់សម្រាប់ទារក និងថវិកាជាចំណងដៃត្រូវបានផ្តល់ជូនជាបន្តបន្ទាប់ ដល់ស្ត្រីឆ្លងទន្លេដែលជាអ្នកស្រុកក្នុងឧទ្យានអង្គរ តាមរយៈក្រុមការងារសហគមន៍នៃអាជ្ញាធរជាតិអប្សរា។ សម្ភារៈទាំងនោះរួមមាន កន្ត្រក កូនមុងសម្រាប់ទារក បំពង់ទឹកក្តៅ កន្សែងពោះគោ ខោអាវបីកំប្លេ និងថវិកាពីរម៉ឺនរៀល ដែលជាអំណោយដ៏ថ្លៃរបស់ឯកឧត្តមបណ្ឌិតសភាចារ្យ សុខ អាន ឧបនាយករដ្ឋមន្ត្រី រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី និងជាប្រធានអាជ្ញាធរជាតិអប្សរា និងលោកជំទាវ។
កញ្ចប់សម្ភារៈទារក និងថវិកាមួយចំនួន ដែលជាអំណោយដ៏ថ្លៃថ្លារបស់ឯកឧត្តម បណ្ឌិតសភាចារ្យ សុខ អាន ឧបនាយករដ្ឋមន្ត្រី រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី និងជាប្រធានអាជ្ញាធរជាតិអប្សរា និងលោកជំទាវ ចំនួន២៣កញ្ចប់ ត្រូវបានចែកជូនដល់ស្ត្រីទើបសម្រាលបុត្ររួច។

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
11
ថ្ងៃនេះ
:
0565
ម្សិលមិញ
:
10606
សប្តាហ៍នេះ
:
33600
ខែនេះ
:
0128279
សរុប
:
012897711