ព័ត៌មានថ្មីៗ

អាជ្ញាធរជាតិអប្សរាចែកកូនឈើ៥០០ដើមជូនឃុំដូនកែវ

បានផ្សាយនៅ ថ្ងៃទី 28 ខែ កញ្ញា ឆ្នាំ2015 09:48 AM ដោយ ៖ អាជ្ញាធរជាតិអប្សរា

ក្នុងឱកាស ចុះសំណេះសំណាលនិងសាកសួរសុខទុក្ខប្រជាពលរដ្ឋភូមិគោកព្នៅ ឃុំដូនកែវ ស្រុកពួក កាលពីព្រឹកថ្ងៃទី២៥ ខែកញ្ញា ឆ្នាំ២០១៥ ឯកឧត្តម ឈរ ថាណាត ប្រធានក្រុមការងារសហគមន៍ប្រចាំស្រុកពួក  និងក្រុមការងារបានប្រគល់កូនឈីចំនួន៥០០ដើម មានគគី បេង និងកកោះ ជូនសាលាឃុំដូនកែវ ដើម្បីដាំក្នុងបរិវេណឃុំ និងចែកអ្នកភូមិដែលស្ម័គ្រចិត្តយកទៅដាំក្នុងដីរបស់ខ្លួន រួមចំណែកថែរក្សាបរិស្ថានអង្គរ។

ជាមួយគ្នានេះ ក្រុមការងារក៏បានចុះទៅពិនិត្យទីតាំងផ្លូវដែលឃុំដូនកែវបានស្នើសុំឲ្យអាជ្ញាធរអប្សរាអនុញ្ញាតច្បាប់សាងសង់ ដែលជាថវិកាមូនិធិឃុំដូនកែវឆ្នាំ២០១៦ ប្រវែងប្រហែល២០០០ម៉ែត្រ ចាប់ពីភូមិពាមដល់ភូមិដូនអុន៕







បុណ្យឆ្លងផ្លូវ និងស្ពានរបស់អ្នកភូមិលាងដៃ ឃុំលាងដៃ ស្រុកអង្គរធំ ខេត្តសៀមរាប ដែលបានប្រារព្ធឡើងកាលពីចុងខែវិច្ឆិកា កន្លងទៅនេះ បានរៀបចំឡើងតាមប្រពៃណីរបស់ដូនតាខ្មែរ ដោយជំនឿមុតមាំក្នុងការបញ្ជៀសឧបទ្រពចង្រៃ ហើយសុំសេចក្តីសុខចម្រើនដល់អ្នកធ្វើដំណើរតាមផ្លូវនិងអ្នកឆ្លងកាត់គ្រប់ៗគ្នា។
នៅព្រឹកថ្ងៃទី២៣ ខែវិច្ឆិកា ឆ្នាំ២០១៥ ឯកឧត្តម ឈរ ថាណាត អគ្គនាយករង និងជា តំណាងដ៏ខ្ពង់ខ្ពស់របស់ឯកឧត្តម ស៊ុំ ម៉ាប់ អគ្គនាយកអាជ្ញាធរជាតិអប្សរា បានដឹកនាំក្រុមការងារ នាំយកថវិកា អាវយឺត និងមួក ជាអំណោយដ៏ថ្លៃថ្លារបស់ឯកឧត្តមបណ្ឌិតសភាចារ្យ សុខ អាន ឧបនាយករដ្ឋមន្ត្រី រដ្ឋមន្ត្រី ទទួលបន្ទុកទីស្តីការគណៈរដ្ឋមន្ត្រី និងជាប្រធានអាជ្ញាធរជាតិអប្សរាទៅប្រគល់ជូនកីឡាករ កីឡាការិនីអុំទូកចំនួន១៨០នាក់ ដែលត្រូវជា០៦ទូក មក ពីស្រុកបន្ទាយស្រី ស្រុកអង្គរធំ ស្រុកបាគង ស្រុកពួក និងក្រុងសៀមរាប ដោយកីឡាករកីឡាការិនី ម្នាក់ៗ ទទួល បានមួក១ អាវយឺត៣ និងថវិកា៣០.០០០រៀល។
អាជ្ញាធរជាតិអប្សរា និងកិច្ចការសង្គម
( ថ្ងៃទី 06 ខែ វិច្ឆិកា ឆ្នាំ2015 )
អាជ្ញាធរជាតិអប្សរា មានគោលបំណងលើកស្ទួយជីវភាពប្រជាពលរដ្ឋដែលជូបប្រទះការលំបាក ជាពិសេសគឺប្រជាពលរដ្ឋដែលរស់នៅក្នុងតំបន់រមណីយដ្ឋានអង្គរ។ ជាក់ស្ដែង ក្រុមការងារសហគមន៍ទាំងអស់ របស់អាជ្ញាធរជាតិអប្សរា បានចុះជួយដោះស្រាយបញ្ហារបស់ប្រជាពលរដ្ឋក្នុងភូមិ ឃុំនានា ដែលស្ថិតក្នុងតំបន់រមណីយដ្ឋានអង្គរជាប្រចាំ តាមភាពជាក់ស្ដែង។
ស័ង្កសី៧៥សន្លឹក ចំណាយថវិការអស់ជិត៣លានរៀលត្រូវបានឯកឧត្តម ខួយ គឹមទួ ទីប្រឹក្សានិងជាប្រធានក្រុមសហគមន៍ក្រុមទី៤នៃអាជ្ញាធរជាតិអប្សរាបានយកទៅជូនប្រជាពលរដ្ឋតាមសំណូមពរ ដើម្បីជួសជុលសាលាឆទាន នៅភូមិតាប៉ាង សង្កាត់អំពិល ក្រុងសៀមរាប។
ស្ពានបេតុងទទឹង៣,៥ម៉ែត្រ និងបណ្តោយ២៥ម៉ែត្រ ដែលជាសំណូមពរបស់ប្រជាពលរដ្ឋ និងអាជ្ញាធរភូមិពាម ឃុំដូនកែវ ស្រុកពួក ស្នើសុំឲ្យអាជ្ញាធរជាតិអប្សរាជួយសាងសង់នោះ បច្ចុប្បន្នសម្រេចបាន៩៩% និងអាចធ្វើដំណើឆ្លងកាត់បានហើយ។

ប្រសាសន៍លោកជំទាវប្រធានអាជ្ញាធរជាតិអប្សរា

ការព្យាករណ៍​អាកាសធាតុ

ក្រមប្រតិបត្តិអង្គរ / Angkor Code of Conduct (Width = 230)

វីដេអូក្រមប្រតិបត្តិអង្គរ

អ្នកទស្សនាគេហទំព័រ

កំពុងទស្សនា
:
10
ថ្ងៃនេះ
:
0903
ម្សិលមិញ
:
8347
សប្តាហ៍នេះ
:
29538
ខែនេះ
:
0183047
សរុប
:
012952479